"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

«Hal­ky­my­zyň joş­gun­ly, tu­tan­ýer­li zäh­me­ti esa­syn­da ýe­ti­len be­lent sep­git­ler­de kär­deş­ler ar­ka­la­şy­gy­nyň tut­ýan or­ny» at­ly okuw maslahaty

«7/24.tm»: №42 (229) 14.10.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Ga­raş­syz, he­mi­şe­lik Bi­ta­rap Türk­me­nis­ta­nyň sy­ýa­sy, yk­dy­sa­dy we me­de­ni taý­dan oňyn ösü­şi­ne Türk­me­nis­ta­nyň Kär­deş­ler ar­ka­la­şyk­la­ry­nyň goş­ýan go­şan­dy­ny has-da art­dyr­mak, Kär­deş­ler ar­ka­la­şy­gy­nyň il­kin­ji gu­ra­ma­la­ry­nyň işi­ni kä­mil­leş­dir­mek, döw­re­bap­laş­dyr­mak, gu­ra­ma­nyň ag­za­la­ry­ny dö­re­di­ji­lik­li zäh­me­te ug­ruk­dyr­mak we tä­ze usul­la­ry işe or­naş­dyr­mak mak­sa­dy bi­len okuw mas­la­hat­la­ry ge­çir­mek dä­be öw­rül­di. Şeý­le­lik­de, «Hal­ky­my­zyň joş­gun­ly, tu­tan­ýer­li zäh­me­ti esa­syn­da ýe­ti­len be­lent sep­git­ler­de kär­deş­ler ar­ka­la­şy­gy­nyň tut­ýan or­ny» at­ly okuw mas­la­ha­ty gu­ra­ma­çy­lyk­ly ge­çi­ril­di.

13 Oktýabr 2024

Garaşsyzlyk

Aş­ga­bat — bag­tyň şä­he­ri

«7/24.tm»: №42 (229) 14.10.2024 Aş­ga­bat — bag­tyň, ba­ky bag­ty­ýar­ly­gyň şä­he­ri. Dün­ýä­de ta­nal­ýan mer­jen paý­tag­ty­my­zyň deň­siz-taý­syz gö­zel­li­gi, döw­re­bap­ly­gy, ýa­kym­ly ho­wa­sy her bir yn­sa­nyň göw­nü­ni joş­dur­ýar, tä­ze zäh­met üs­tün­lik­le­ri­ne ruh­lan­dyr­ýar.

13 Oktýabr 2024

Garaşsyzlyk

Watan mukaddesdir

«7/24.tm»: №42 (229) 14.10.2024 Watan mukaddesligi hakynda söz açylanda, Gahryman Arkadagymyzyň: «Watan biziň her birimiz üçin elýetmez mertebedir. Munuň hem sebäbi, Watan söýgüsi soňlanýan däldir. Watan söýgi hemişe joşup duran mukaddes duýgudyr. Şeýle bolanlygy üçinem diňe mertler, Watanyň mert ogullary Watany beýgeldýärler» diýen parasatly setirleri seriňe dolýar. Ilkinji kitaplarynyň birini «Garaşsyzlyga guwanmak, Watany, halky söýmek bagtdyr» diýip atlandyran Gahryman Arkadagymyzyň watançylyk söýgüsi biziň üçin nusgalyk bolup, halkyň manyly ýaşaýşynyň, Watanyň gymmatyna düşünmegiň, zähmetde uly üstünlikler gazanmagyň, belent maksatlara ýetmegiň özenine öwrüldi. Gahryman Arkadagymyzyň «Mertler Watany beýgeldýär», «Watan goragy mukaddesdir», «Mert ýigitler gaýrat üçin dogulýar» ýaly ençeme watançylyk çagyryşly kitaplary her bir ynsan üçin bahasyna ýetip bolmajak baýlykdyr.

13 Oktýabr 2024

Garaşsyzlyk

Ýaşlar Watanyň ynamly güýjüdir

«7/24.tm»: №42 (229) 14.10.2024 Hor­mat­ly Pre­zi­den­ti­miz ýur­du­myz­da ylym ul­ga­my­ny ös­dür­mek, ýaş­la­ry­my­zyň dün­ýä tä­ze­lik­le­ri we hä­zir­ki za­ma­nyň öň­de­ba­ry­jy teh­no­lo­gi­ýa­la­ry­na erk edip bil­me­gi­ni ga­zan­mak ýa­ly me­se­le­le­re uly äh­mi­ýet ber­ýär. Bu ba­bat­da Gah­ry­man Ar­ka­da­gy­myz: «Hal­ky­my­zyň «Oka­ýan il ozar» di­ýen aja­ýyp pä­hi­mi bar. Şo­ňa gö­rä-de, ylym we bi­lim ul­gam­la­ry­ny düýp­li öz­gert­mek hem-de kä­mil­leş­dir­mek Ga­raş­syz, he­mi­şe­lik Bi­ta­rap döw­le­ti­mi­ziň esa­sy we­zi­pe­le­ri­niň bi­ri bo­lup dur­ýar. Bu ul­gam­lar ýur­du­my­zyň tä­ze be­lent­lik­le­re ta­rap öňe git­me­gi­niň, bi­lim ber­me­giň dün­ýä de­re­je­si­ne çyk­ma­gy­nyň hem-de ýaş ne­sil­le­ri ter­bi­ýe­le­me­giň düýp­li esas­la­ry­nyň bi­ri­dir» di­ýip bel­le­ýär.

13 Oktýabr 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy Magtymguly Pyragynyň ýadygärligine gül goýmak dabarasyna gatnaşdy

11-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Köpetdagyň ajaýyp künjeginde bina edilen Magtymguly Pyragynyň ýadygärligine gül goýmak dabarasyna gatnaşdy. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň awtoulagy Magtymguly Pyragynyň ýadygärliginiň öňündäki meýdança geldi. Bu ýerde Gahryman Arkadagymyz uly ruhubelentlik bilen garşylanyldy.

12 Oktýabr 2024

Garaşsyzlyk

Türkmenistanyň Prezidentiniň PERMANY

Eýran Yslam Respublikasynyň Prezidenti Masud PEZEŞKIANY Türkmenistanyň «Magtymguly Pyragynyň 300 ýyllygyna» atly ýubileý medaly bilen sylaglamak hakynda Türkmenistanyň hem-de Eýran Yslam Respublikasynyň arasyndaky dostlukly gatnaşyklary ösdürmekde, türkmen edebiýatynyň nusgawy şahyry Magtymguly Pyragynyň döredijilik mirasyny öwrenmekde, aýawly saklamakda, wagyz etmekde we geljekki nesillere ýetirmekde bitiren hyzmatlaryny hem-de medeniýetleri ýakynlaşdyrmaga, baýlaşdyrmaga, türkmen we eýran halklarynyň arasynda dost-doganlygy, özara bähbitli hyzmatdaşlygy berkitmäge goşan uly şahsy goşandyny nazara alyp, şeýle hem türkmen akyldar şahyry Magtymguly Pyragynyň doglan gününiň 300 ýyllygy mynasybetli Eýran Yslam Respublikasynyň Prezidenti Masud Pezeşkiany Türkmenistanyň «Magtymguly Pyragynyň 300 ýyllygyna» atly ýubileý medaly hem-de ýadygärlik we sowgatlyk nyşanlary bilen sylaglamaly.

12 Oktýabr 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygynyň geçiren duşuşyklary

11-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Eýran Yslam Respublikasynyň Prezidenti Masud Pezeşkian bilen duşuşdy. Gahryman Arkadagymyz goňşy ýurduň Baştutanyny mähirli mübärekläp, Magtymguly Pyragynyň doglan gününiň 300 ýyllygy mynasybetli geçirilen halkara foruma gatnaşmaga ýurdumyza sapar bilen gelendigi üçin minnetdarlyk bildirdi.

12 Oktýabr 2024

Garaşsyzlyk

Magtymguly Pyragynyň doglan gününiň 300 ýyllygyna bagyşlanan «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň JEMLEÝJI RESMINAMASY

2024-nji ýylyň 11-nji oktýabrynda «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum geçirildi. Oňa Türkmenistanyň Prezidenti, Ermenistan Respublikasynyň Prezidenti, Eýran Yslam Respublikasynyň Prezidenti, Gazagystan Respublikasynyň Prezidenti, Gyrgyz Respublikasynyň Prezidenti, Mongoliýanyň Prezidenti, Pakistan Yslam Respublikasynyň Prezidenti, Russiýa Federasiýasynyň Prezidenti, Täjigistan Respublikasynyň Prezidenti, Özbegistan Respublikasynyň Prezidenti, Türkiýäniň Beýik Millet Mejlisiniň Başlygy, halkara guramalaryň ýolbaşçylary, daşary döwletleriň Hökümet agzalary, meşhur alymlar, medeniýet işgärleri we diplomatlar gatnaşdylar. Halkara foruma gatnaşyjylar:

12 Oktýabr 2024

Garaşsyzlyk

«Magtymguly, sözüm bilene sözdür...»

«Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň öň ýanynda Magtymguly adyndaky Türkmen döwlet uniwersitetinde geçirilen Magtymguly Pyragynyň ömrüni we döredijiligini öwrenýän, goşgular ýygyndylaryny dürli dillere terjime eden hem-de dünýä ýaýradan daşary ýurtly alymlarydyr magtymgulyşynaslary Türkmenistanyň «Magtymguly Pyragynyň 300 ýyllygyna» atly ýubileý medaly bilen sylaglamak dabarasy türkmeniň beýik danasynyň agzybirligi, parahatçylyk söýüjiligi ündeýän ideýalaryny wagyz etmek işinde çekilen yhlasly zähmete, ylma we döredijilige döwlet derejesinde uly hormat-sarpa goýulýandygynyň aýdyň nyşanyna öwrüldi. Amaliýa AGAJANÝAN,Ýerewan döwlet uniwersitetiniň uly mugallymy, filologiýa ylymlarynyň kandidaty:

12 Oktýabr 2024

Garaşsyzlyk

Ajaýyp zamanamyzyň ösüşli ýoly

Sport hem-de saglygy goraýyş ulgamlarynyň sazlaşykly ösdürilmegi jemgyýetimiziň sagdynlygyny gazanmagyň, adamlaryň sagdyn, bagtyýar durmuşyny üpjün etmegiň esasy şertleriniň biridir. Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda bu ugurda durmuşa geçirilýän, adam we onuň saglygy hakyndaky aladanyň döwlet syýasatynyň esasy ugrudygyny bütin aýdyňlygy bilen görkezýän beýik işleriň rowaçlyklara beslenýändigi guwandyryjydyr. Hormatly Prezidentimiziň 4-nji oktýabrda sanly ulgam arkaly geçiren Ministrler Kabinetiniň nobatdaky mejlisinde hem bu hakykat aýdyň beýanyny tapdy. Şu ýylyň dokuz aýynda ykdysadyýetimiziň pudaklarynda alnyp barlan işleriň jemleri jemlenilen hem-de öňde durýan wezipeler kesgitlenilen mejlisiň barşynda sport we saglygy goraýyş ulgamlarynda ýetilen sepgitlerdir möhüm wezipeler barada hem durlup geçildi. Mejlisde Ministrler Kabinetiniň Başlygynyň orunbasary B.Orazdurdyýewanyň beren hasabatynda bellenilişi ýaly, şu ýylyň dokuz aýynda bedenterbiýäni, sporty ösdürmek, ussat türgenleri taýýarlamak boýunça işler dowam etdirildi. Türgenlerimiz halkara ýaryşlarda 146 altyn, 134 kümüş, 193 bürünç medal gazandylar. Aşgabat şäheri «Arkalaşygyň täze sport mümkinçilikleriniň şäheri», Olimpiýa şäherçesiniň Tennis toplumy «Tennis boýunça Aziýa sebitiniň okuw-türgenleşik merkezi» diýlip yglan edildi.

12 Oktýabr 2024

Garaşsyzlyk

Üstünlikler, tejribeler, mümkinçilikler

«Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergide aýdyň şöhlelendi Eziz Watanymyzda hormatly Prezidentimiziň parasatly baştutanlygynda bedenterbiýäni we sporty ösdürmek, jemgyýetimizde sagdyn durmuş ýörelgesini berkarar etmek, bu ugurda halkara hyzmatdaşlygy pugtalandyrmak babatda giň gerimli işler amala aşyrylýar. 9-njy oktýabrda öz işine başlan «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi hem-de onuň çäklerindäki ylmy maslahat hem bu ajaýyp hakykaty nobatdaky gezek tassyklady. Şu gezekki forumyň paýtagtymyzyň türkmen türgenleriniň ýeňişleri bilen şanlandyrylan Olimpiýa şäherçesindäki Başa-baş söweş sungaty sport toplumynyň türgenleşik meýdançasynda ýaýbaňlandyrylmagy özboluşly many-mazmuna eýedir.

12 Oktýabr 2024

Garaşsyzlyk

Beýikleriň has beýgelýän eýýamy

Magtymguly Pyragynyň edebi mirasyny giňden dünýä ýaýmak we bu ugurda halkara hyzmatdaşlygy pugtalandyrmak maksady bilen, 11-nji oktýabrda Aşgabatda wekilçilikli halkara forum geçirildi. Beýik türkmen akyldarynyň 300 ýyllygyna bagyşlanan ýokary derejeli bu maslahata dünýäniň dürli ýurtlaryndan döwlet we hökümet Baştutanlarynyň hem-de wekiliýetleriň gatnaşyp, Magtymguly Pyragynyň bahasyna ýetip bolmajak şahyrana mirasynyň ägirt uly medeni, ruhy-ahlak gymmatlyklar hökmünde her bir ynsanyň ruhy dünýäsinde, hakydasynda baky orun alandygyny, köptaraply döredijiliginiň dünýä edebiýatynyň genji-hazynasynyň aýrylmaz bölegine öwrülendigini bellemekleri il-ulsumyzyň kalbyny egsilmez buýsanja besledi. Türkmen halkynyň öz beýik şahsyýetlerine çäksiz hormat-sarpa goýýandygyna, olaryň at-abraýynyň dünýä içre has-da beýgelmegi üçin ähli tagallalary edýändigine «Pähim-paýhas ummany Magtymguly Pyragy» ýyly diýlip atlandyrylan üstümizdäki ýylda akyldar şahyrymyzyň hormatyna geçirilýän giň gerimli dabaralaryň, söz ussady bilen baglanyşykly buýsançly hem şanly wakalaryň mysalynda aýdyň göz ýetirýäris. Hormatly Prezidentimiziň: «Magtymguly Pyragynyň päk ahlaklylyk, edep-terbiýe, watansöýüjilik, gözelligi wasp etmek, berkarar döwlet baradaky ynsan aňyna we ýüregine ornaýan gymmatly ündewleri biziň döwlet syýasatymyzyň esaslaryny düzýär. Bularyň ählisi iň asylly adamzat däplerine daýanýan yns

12 Oktýabr 2024

Garaşsyzlyk

Gymmatly eseriň täze jildi

Ýurdumyzda giňden bellenilýän Türkmenistanyň saglygy goraýyş we derman senagaty işgärleriniň gününiň öňüsyrasynda Gahryman Arkadagymyzyň «Türkmenistanyň dermanlyk ösümlikleri» atly ylmy-ensiklopedik kitabynyň täze — XVI jildiniň çapdan çykmagy halkymyza ajaýyp sowgat boldy. 9-njy oktýabrda Türkmenistanyň Saglygy goraýyş we derman senagaty ministrliginiň mejlisler zalynda gymmatly eseriň täze jildiniň tanyşdyrylyş dabarasy geçirildi. Dabarada çykyş edenler türkmen halkynyň Milli Lideri Gahryman Arkadagymyzyň ylmy-ensiklopedik işiniň Watanymyzyň baý ösümlik dünýäsi hem-de halk lukmançylygynyň gadymy däpleri barada gymmatly maglumatlary berýändigini buýsanç bilen nygtadylar. Bellenilişi ýaly, bu düýpli ylmy işiň esasynda Gündogar lukmançylygynyň görnükli alymlarynyň hem-de «tebigy dermanhana» yzygiderli ýüzlenýän türkmen tebipleriniň nesilden-nesle geçip gelýän iň gowy tejribesiniň jemlenmegi onuň ähmiýetini has-da artdyrýar.

12 Oktýabr 2024

Garaşsyzlyk

Döwletli ýörelge

«Pähim-paýhas ummany Magtymguly Pyragy» ýylynyň sentýabry milli senenamamyzyň sahypalaryny taryhy wakalary bilen bezedi. Mukaddes Garaşsyzlygymyzyň 33 ýyllyk toýunyň öňüsyrasynda Türkmenistanyň Halk Maslahatynyň mejlisiniň geçirilmegi hem-de il bähbitli, ýurt ähmiýetli örän möhüm meseleleriň ara alnyp maslahatlaşylmagy bu hakykatyň aýdyň görkezijisidir. Mejlisde Prezident Maksatnamasyna laýyklykda, geljekde öňde durýan wezipeleriň kesgitlenmegi bolsa ählihalk forumynyň ähmiýetini artdyrdy. Diýarymyzda halk häkimiýetiniň berkarar edilýändiginiň beýanyna öwrülen taryhy waka ýurdumyzda adam hakyndaky aladanyň ähli zatdan ileri tutulýandygyny ýene bir ýola äleme ýaýdy. Türkmenistanyň eýe bolan taryhy ösüşleriniň giňden şöhlelenmegi bütin halkymyzyň buýsanjyny goşalandyrdy. Arkadagly Gahryman Serdarymyzyň Türkmenistanyň Halk Maslahatynyň mejlisindäki taryhy çykyşynda Watanymyzyň sport üstünliklerine orun berilmegi bolsa okgunly ösüşe eýe bolýan pudagyň gazananlarynyň Diýarymyzyň ýeten belent sepgitleriniň bir bölegi bolup durýandygyny aýdyň görkezdi.

12 Oktýabr 2024

Garaşsyzlyk

Ösüşleriň mekany

Hormatly Prezidentimiziň öňdengörüjilikli we parasatly baştutanlygynda ösüp gelýän ýaş nesilleriň ylymly-bilimli, berk bedenli, kämil şahsyýetler bolup ýetişmekleri üçin giň mümkinçilikler döredilýär. Gahryman Arkadagymyzyň binagärlik paýhasyndan dörän Arkadag şäheri hem ýaşamak, zähmet çekmek, döwrebap bilim almak, sport bilen meşgullanmak, medeniýetli dynç almak üçin ähli şertleri özünde jemleýär. Bilim ojaklarynyň mekany bolan bu «akylly» şäheriň görküne görk goşup duran zähmet ojagymyzyň — Aba Annaýew adyndaky Halkara atçylyk akademiýamyzyň çäginde ýerleşýän sport toplumy sportuň futbol, futzal, woleýbol, basketbol, tennis, stol tennisi, suwda ýüzmek, agyr we ýeňil atletika görnüşlerinden türgenleşik geçmek üçin ähli şertleri özünde jemleýär. Şeýle hem sport toplumynda hem-de umumy ýaşaýyş jaýynda döwrebap enjamlar bilen enjamlaşdyrylan türgenleşik zallary bar.

12 Oktýabr 2024

Garaşsyzlyk

Gandbol bäsleşigi

Go­laý­da gand­bol bo­ýun­ça 2008-nji ýyl­da dog­lan we şon­dan ki­çi ýaş­ly og­lan-gyz­la­ryň ara­syn­da Aş­ga­bat şä­he­ri­niň saý­la­ma ýa­ry­şy ge­çi­ril­di. Aş­ga­bat şä­he­ri­niň 2-nji or­ta mek­de­bi­niň sport za­lyn­da gu­ra­lan bäs­le­şik ýaş tür­gen­le­re ukyp-ba­şar­nyk­la­ry­ny gör­kez­mä­ge şert dö­ret­di. Netijede, gyz­la­ryň ara­syn­da Aş­ga­bat şä­he­ri­niň be­den­ter­bi­ýe we sport ba­ra­da­ky Baş mü­dir­li­gi­niň 9-njy sport mek­de­bi­niň to­pa­ry öň­de­li­gi eýe­le­di. An­ge­li­na La­pa­ti­na, Wik­to­ri­ýa Ýer­şen­ko, Tat­ýa­na Baý­ja­no­wa, Ali­na Ýa­ku­bo­wa, Sel­bi Mol­la­ýe­wa ýa­ly oýun­çy­lar has-da ta­pa­wut­lan­dy­lar. Sport mek­de­bi­mi­ziň og­lan­lar­dan dü­zü­len to­pa­ry 2-nji or­ny eýe­le­di. Nur­mäm­met Çer­ke­zo­w, Ys­lam Sa­pa­row, Seý­ran Seý­di­ýew, Is­lam Ma­li­nin, Ys­lam Ba­ty­row ýa­ly tür­gen­ler şow­ly çy­kyş et­di­ler.

11 Oktýabr 2024

Garaşsyzlyk

“Milli ýörelge – köpe görelde”

Türkmen halky müňýyllyklaryň dowamynda şahsyýet, maşgala, jemgyýet bilen baglanyşykly ençeme milli däp-dessurlary, edim - gylymlary döredipdir. Olaryň ählisi biziň üçin ahlak ýörelgeleridir. Parasatly pederlerimiz ynsanyň içki hem daşky gözelligini görkezýän närsäniň onuň durmuşda özüni alyp barşyndadygyna, edebindedigine, terbiýesindedigine, ahlagyndadygyna göz ýetiripdirler. Aslyýetinde, nesil terbiýesinde zenan ahlaklylygyna, adamkärçiligine degişli wagyz-nesihatlardyr, maslahatlary ýaşlygyndan olaryň gulagyna guýmak örän wajyp işdir. Bu ýörelge durmuş tejribesinde synagdan geçen hakykatdyr. Sebäbi maşgala-döwletiň kiçijik bir agzasy, gaýtalanmajak dünýäsi hasaplanýar. Şunlukda türkmen maşgalasynda gyz edebi, çaga terbiýesi ýaly häsiýetler üns merkezinde saklanylýar. Şonuň üçinde türkmen halky maşgala edebini milli däp-dessur esasynda ýöredýär. Hawa, türkmen halkynyň gyz edebine, nesil terbiýesine garaýyşlary barada söz açylanda, ata-babalarymyzyň: “Gyz edebi - il edebi” diýen pähimi biygtyýar ýadyňa düşýär. Ýelden-Günden gorap kemala getiren perzendiň diňe bir boý-syratyna däl, eýsem başarnygyna, at-abraýyna, edep-ekramyna guwanyp ýaşamak uly bagt.Türkmen gyzy diýlende, sypaýy, näzik, mähir dünýäsiniň eýesi göz öňüňe gelýär. Gyz edebi ene-mamalarymyz üçin iň wajyp borç we jogapkärçilik hasaplanylypdyr.

11 Oktýabr 2024

Garaşsyzlyk

Ynsanperwer tagallalara belent sarpa

Ýurdumyzda giňden bellenilen Türkmenistanyň saglygy goraýyş we derman senagaty işgärleriniň güni mynasybetli guralan baýramçylyk çäreleriniň çäklerinde Myrat Garryýew adyndaky Türkmenistanyň Döwlet lukmançylyk uniwersitetinde hormatly Prezidentimiziň degişli Permanlaryna laýyklykda «Arkadag» medalyna, şeýle-de «Magtymguly Pyragynyň 300 ýyllygyna» atly ýubileý medalyna mynasyp bolanlary sylaglamak dabarasy geçirildi. Şolaryň arasynda watandaşlarymyz bilen birlikde, daşary ýurtly myhmanlar hem bar. Abraýly sylaglara mynasyp bolanlaryň käbiri buýsançly ýürek sözlerini şeýle beýan edýärler: Hans MAÝSNER,germaniýaly kardiohirurg, lukmançylyk ylymlarynyň doktory:

11 Oktýabr 2024

Garaşsyzlyk

Moskwa duşuşygy: dostluk we hyzmatdaşlyk ruhy bilen

Türkmenistan öz Bitaraplyk hukuk ýagdaýyna laýyklykda GDA-nyň assosirlenen agzasy bolmak bilen, dürli ulgamlarda bar bolan ägirt uly mümkinçiliklerini nazara alyp, Arkalaşygyň giňişliginde netijeli hyzmatdaşlygy ösdürmek meselelerinde işjeň orny eýeleýär. Hormatly Prezidentimiz Serdar Berdimuhamedowyň 7-8-nji oktýabrda Garaşsyz Döwletleriň Arkalaşygynyň döwlet Baştutanlarynyň Geňeşiniň mejlisine gatnaşmak üçin Russiýa Federasiýasyna amala aşyran iki günlük iş sapary hem ýurdumyzyň GDA döwletleri bilen özara bähbitli hyzmatdaşlygy ösdürmäge, ony täze many-mazmun bilen baýlaşdyrmaga ygrarlydygyny nobatdaky gezek açyp görkezdi. 8-nji sentýabrda Uly Kreml köşgünde geçirilen GDA-nyň sammitine gatnaşmak üçin Azerbaýjan Respublikasynyň Prezidenti Ilham Aliýew, Ermenistan Respublikasynyň Premýer-ministri Nikol Paşinýan, Belarus Respublikasynyň Prezidenti Aleksandr Lukaşenko, Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistan Respublikasynyň Prezidenti Emomali Rahmon, Özbegistan Respublikasynyň Prezidenti Şawkat Mirziýoýew hem Moskwa geldiler. Russiýa Federasiýasynyň Prezidenti Wladimir Putin sammite gatnaşyjylary mübärekläp, mejlisiň gün tertibiniň Arkalaşygyň çäklerindäki hyzmatdaşlygyň meseleleriniň giň toplumyny, şol sanda ykdysady, söwda-maýa goýum hyzmatdaşlygy, dürli pudaklarda täze iri, özara bähbitli ta

11 Oktýabr 2024

Garaşsyzlyk

«Akylly» şäherdäki işleriň depgini güýçlenýär

7-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow Arkadag şäheri boýunça iş saparyny amala aşyryp, şäheri ösdürmegiň nobatdaky tapgyrynda gurulmagy meýilleşdirilýän binalaryň şekil taslamalary, olaryň bezeg aýratynlyklaryna degişli maglumatlar bilen tanyşdy hem-de degişli ýolbaşçylaryň gatnaşmagynda iş maslahatyny geçirdi. Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow şäheriň gurluşygynyň ikinji tapgyrynda gurulmagy meýilleşdirilýän dürli maksatly binalaryň, şol sanda Çeperçilik haly kärhanasynyň taýýarlanylan taslamalary, toplumyň baş binasynyň daşky bezeg aýratynlyklary, şäheriň çäklerinde bina edilýän beýleki durmuş maksatly desgalaryň enjamlaşdyrylyşy barada hasabat berdi. Bu ýerde haly kärhanasynyň umumy görnüşi, onuň daşky bezeg aýratynlyklary, Arkadag şäheriniň täze seýilgähiniň, ýol-ulag düzümine degişli desgalaryň şekil taslamalary hem-de olaryň yşyklandyryş ulgamynyň görnüşleri görkezildi.

11 Oktýabr 2024

Garaşsyzlyk