Gymmatly baýlygyň goragynda
Sagdynlyk — ynsan ömrüniň zynaty. Saglyk adamzat üçin bahasyna ýetip bolmajak maddy we ruhy gymmatlykdyr. Sagdyn adamyň ömri ýalkym saçyp duran göwher daşyna meňzeşdir. Akyldar şahyrymyz Magtymguly Pyragynyň: «Saglygyň gadryny bilgil, hassa bolmasdan burun» diýip, belleýşi ýaly, saglygyň gadyr-gymmatyny mydama bilip hem duýup ýaşamaly. Çünki, diňe sagdyn adam dünýäniň adama eçilýän gymmatlyklaryny, lezzetlerini ýakyndan duýup, ajaýyplyklary doly derejede görüp hem bilip ýaşaýandyr. Adamyň saglygy diňe bir onuň özüniň däl, eýsem, döwletiň hem esasy gymmatlygy bolup durýar. Şonuň üçin hem, biziň ýurdumyzda «Sagdyn bedende sagdyn ruh» ýörelgelerinden ugur alnyp, ynsanýetiň sagdyn durmuş ýörelgesini jemgyýetimize ornaşdyrmakda, halkymyzyň sagdyn jemgyýetçilik ruhy baýlygyny dünýä çykarmakda, dünýäde sagdyn jemgyýetçiligi berkitmäge saldamly goşant goşmakda taýsyz tagallalar edilýär. Muňa ýurdumyzda ençeme bedenterbiýe we saglyk maksatly binalary, zamanabap sport we saglyk toplumlarynyň yzygiderli gurlup ulanylmaga berilmegi aýdyň güwänamadyr. Ýurdumyzda sagdyn ruhly jemgyýetçiligi berkitmäge we goramaga gönükdirilýän işler, tagallalar lukmançylyk ulgamynda-da bimöçberdir. Dürli ýyllarda Arçman, Ýylysuw, Baýramaly, Farap, Berzeňňi, Mollagara şypahanalarynyň durkunyň täzelenmegi we täze binalarynyň açylmagy, ýurdumyzda çagalaryň sagaldyş-dynç alyş merkezleriniň toplumlaýyn döredilme