"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Wers­tap­pe­niň yz­ly-yzy­na 3-nji ýeň­şi

Formula1 bo­ýun­ça möw­sü­miň 9-njy ýa­ry­şy Awst­ri­ýa «Gran P­ri­sin­de» «Red Bull» to­pa­ry­nyň ni­der­land sü­rü­ji­si Maks Wers­tap­pen ýe­ňiş ga­zan­dy. Bas­syr 3-nji, möw­süm­dä­ki 5-nji, umu­my­lyk­da-da 15 ýeň­şi­ni ga­za­nan Wers­tap­pen 71 aý­la­wy 1 sa­gat 23 mi­nut 54,543 se­kunt­da ta­mam­la­ma­gy ba­şar­dy. On­dan 17,973 se­kunt yza ga­lan finl­ýan­di­ýa­ly Walt­te­ri Bot­tas (Mercedes) 2-nji ýe­ri eýe­le­di. McLa­ren to­pa­ry­nyň bri­tan sü­rü­ji­si ýe­ňi­ji­den 20,019 se­kunt az ne­ti­je gör­ke­zip, mün­be­riň üçün­ji bas­gan­ça­gy­na çyk­dy. Soň­ky çem­pi­on, bri­ta­ni­ýa­ly sü­rü­ji Lýu­wis Ha­mil­ton 4-nji ýer bi­len oň­ňut et­me­li bol­dy. Bu ýa­ryş­dan soň, utuk ara­ta­pa­wu­dy­ny 32-ä ýe­ti­ren Maks Wers­tap­pen 182 utuk bi­len bi­rin­ji orun­da bar­ýar. Ikin­ji ýer­dä­ki Lýu­wis Ha­mil­to­nyň 150, üçün­ji bas­gan­çak­da­ky Ser­hio Pe­re­ziň 104 utu­gy bar. Möw­sü­miň 10-njy ýa­ry­şy Bri­ta­ni­ýa «Gran Pri­si» 18-nji iýun­da ge­çi­ri­ler.

9 Iýul 2021

Sport

Sportuň sarpalanýan eýýamy

Berkarar döwletimiziň bagtyýarlyk döwründe Gahryman Arkadagymyzyň ýolbaşçylygynda, ähli ugurlara bolşy ýaly, sporta hem uly üns berilýär. Ýaşlarymyzyň bilim-terbiýe, dynç almaklary, sport bilen giňden meşgullanmaklary üçin ähli şertler döredilýär. Gözel paýtagtymyz Aşgabat şäherinde hem-de welaýatlarda gurlup, ulanylmaga berlen sport mekdepleri we beýleki sport desgalary ýaşlarymyzyň sporta bolan höweslerini has-da artdyrdy. Biziň etrabymyzda hem hormatly Prezidentimiziň taýsyz tagallalary netijesinde iki sany sport mekdebi gurlup, ulanylmaga berildi. Şol döwrebap sport mekdepleriniň biri biziň Madaw obamyzda ýerleşýär. Onda türgenleşmek, ýaryşlary geçirmek üçin ähli mümkinçilikler döredilendir. Sportuň futbol, woleýbol, ýeňil atletika, milli göreş we beýleki görnüşleri bilen meşgullanmaga bu ýerde ajaýyp şertler bar.

7 Iýul 2021

Sport

Sport — sagdynlygyň gözbaşy

Mukaddes Garaşsyzlygymyzyň şanly 30 ýyllyk toýuna barýan günlerinde eziz Diýarymyzda hormatly Prezidentimiziň parasatly baştutanlygynda ýetilýän sepgitleriň özi bagtlylykdan nyşan. Berkarar döwletimiziň bagtyýarlyk döwründe köpugurly ösüşlere beslenýän ýurdumyzda sport ulgamynda ýetilen sepgitler barada gürrüň etmek has-da ýakymly. Milli Liderimiziň başda durmagynda bedenterbiýäni we sporty ösdürmek babatynda alnyp barylýan işler örän bimöçberdir. Gahryman Arkadagymyzyň sportuň dürli görnüşleri bilen meşgullanmagy bize görelde mekdebi bolup durýar. Sebäbi sport bilen yzygiderli meşgullanmak ähli ýaşdaky adamlaryň boş wagtlaryny netijeli geçirmeklerine, bedenleriniň berkemegine ýardam edýär. Yzygiderli bedenterbiýe maşklary adamda oňyn şahsy häsiýetleriň, işjeň durmuş hereketleriniň kemala gelmegini üpjün edýär. Döwlet Baştutanymyzyň şahsy göreldesine eýerip, bedenterbiýe we sport bilen meşgullanmaga höwesek watandaşlarymyzyň, aýratyn-da, sportuň dürli görnüşlerine gyzyklanma bildirýän ýaşlaryň sany yzygiderli artýar. Munuň özi sagdyn durmuş ýörelgeleriniň pugtalandyrylmagyna, adamlaryň bagtyýar durmuşynyň üpjün edilmegine ýardam berýär.

7 Iýul 2021

Sport

Sport. Sport. Sport.

Yhlas edilýär Berkarar döwletimiziň bagtyýarlyk döwründe hormatly Prezidentimiziň saýasynda ösüp gelýän ýaş nesli kämil derejede kemala getirmekde bimöçber işler amala aşyrylýar. “Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň” Maksatnamasyndan ugur alnyp, bedenterbiýäni we sporty ösdürmek babatda döwlet derejesinde edilýän tagallalar özüniň oňyn netijesini berýär. Gahryman Arkadagymyzyň göreldesine eýerip, sporty ýaşaýşyň hemrasyna öwren türgenler döredilýän mümkinçiliklerden peýdalanyp, ýurdumyzyň abraýyny dünýä derejesinde belende göterýärler. Türkmenistan döwletimiz sportuň we sagdynlygyň ýurdy hökmünde dünýäde giňden tanalýar.

7 Iýul 2021

Sport

Körpeleriň başarnygy

Sarahs etrabyndaky “Älemgoşar” atly 1-nji çagalar bakja-bagynda sport oýunlarynyň ähmiýetini we sagdyn durmuşy açyp görkezýän bäsleşik geçirildi. Etrabyň bilim bölüminiň hem-de Ylym we bilim işgärleriniň kärdeşler arkalaşygynyň etrap Geňeşiniň meýilnamasy esasynda geçirilen bäsleşikde ýaş nesliň sagdyn ruhly, berk bedenli bolup ýetişmegini gazanmak we sporta höwesini artdyrmak maksat edinildi. Bäsleşige gatnaşýan körpeleriň ýerine ýetirmeginde sport hakynda aýdymlar aýdylyp, goşgular okaldy. Maşk tanslarynyň, gyzykly hem-de täsirli sport oýunlarynyň, şol sanda türkmen milli oýunlarynyň ýerine ýetirilmegi aýratyn täsirli bolup, körpeleriň ukyp-başarnyklaryny görkezdi.

6 Iýul 2021

Sport

Sport äleminde çäk ýok

Sportuň ruhy lezzet paýlaýşyny ilkinji gezek görmesegem, şol gün welaýat saglygy dikeldiş okuw-terbiýeçilik toplumynyň sport zalynda geçirilen ýaryşlaryň adatdakylaryndan has üýtgeşik we täsirli bolandygyny aýdasymyz gelýär. Belki-de munuň sebäbi şu ýaryşa gatnaşýanlaryň sporty özlerine has ýakyn saýýandyklaryndadyr, ondan öz gözleýän ruhubelentligini tapandyklaryndadyr. Tämiz we owadan binada eýýäm ýaryşyň öňüsyrasynda joşgunly saza goşulyşyp, mähriban Watana bolan söýgülerini beýan edýän ýaşlaryň we tälimçileriň ruhubelent ýüz-gözlerinde hem-de garaýyşlarynda heniz garaşylýan ýeňşe bolan ynamyň peýda bolandygyny görmek bolýardy. Şeýle ynamy döredip bilýändigi üçin sport sport bolýar: sport bilen yzygiderli meşgullanýan islendik adam öz güýjüni ölçerläp bilýär. — Ýygyndy toparlarymyz bu ýaryşlara köpden bäri sabyrsyzlyk bilen garaşýardylar. Bu gün olaryň arzuwlary hasyl boldy — diýip, welaýat maýyplar bedenterbiýe-sport klubunyň baş tälimçisi Myrat Ýazyýew dabaraly açylyş pursatlarynda çagalaryň birenaýy begenişlerini synlaýan mahalymyzda bize düşündirýär. Owadan geýnen oglanjyklardyr gyzlaryň ýüzlerinde durmuşyň eçilen nobatdaky şatlyklaryna tüýs ýüreklerinden begenýändiklerini, olaryň içki begenç duýgularyny daşlaryna çykarmaga howlugýandyklaryny görýärsiň. Ýüreklere şatlyk paýlaýan bu gün döwrebap toplumyň şuglasyna şugla goşan ýaly daş-töwerek hem örän owadan we ýakymly g

5 Iýul 2021

Sport

Ýaş futbolçylaryň erjelligi

Türkmenistan — parahatçylygyň we ynanyşmagyň Watany ýylynda Tagtabazar etrap sport we ýaşlar syýasaty bölüminiň tagallasy bilen ýurdumyzyň ähli ýerinde bolşy ýaly, etrabyň sport mekdeplerinde hem ýokanç kesellere garşy tälimçilerdir türgenleriň saglygy ugrunda derwaýys işler durmuşa geçirilýär. Erjel, okuwçy türgenleriň gündelik türgenleşik geçýän ýerlerinde arassaçylyk işleri geçirilýär. Bölümde türgenler bilen türgenleşik işleri sagdyn durmuş ýörelgesi bilen baglanyşdyryp alyp barylýar. Sportuň futbol görnüşi boýunça etrabyň Sandykgaçy geňeşliginde tälimçi Amandurdy Garlyýewiň ýetginjek futbolçylar bilen alyp barýan işleri bellemäge mynasypdyr. Tejribeli tälimçi 2009-njy, 2010-njy, 2011-nji ýyllarda doglan türgenleriň 41-sine üç toparda türgenleşik geçýär. 2009-njy ýylda doglan futbolçy türgenler 2019-njy ýylyň fewralynda welaýatyň birinjiligini almak boýunça sport mekdepleriniň ýetginjek futbol toparlarynyň arasynda geçirilen ýaryşda 3-nji orna mynasyp bolupdyrlar. Ýetginjek futbolçylar tälimçiniň göreldesine eýerip, türgenleşiklere buýsanç bilen gatnaşýarlar. Olar ussat futbolçy bolmagyň arzuwy bilen türgenleşige höwesli gatnaşýarlar.

5 Iýul 2021

Sport

«Ahal» — TFF-iň kubogynyň eýesi

Türkmenbaşydaky nebiti gaýtadan işleýän zawodlar toplumynyň «Türkmennebitönümleri» baş müdirliginiň «Ahal» futbol topary täze möwsümdäki ilkinji kubogyny gazandy. Topar Türkmenistanyň Futbol federasiýasynyň kubogy ugrunda geçirilen ýaryşyň ýeňijisi boldy. Bu ýaryş, şol bir wagtyň özünde, ýurdumyzda täze futbol möwsüminiň açylyş ýaryşy boldy diýsek hem ýalňyşmarys. TFF-iň kubogy ugrundaky ýaryşa toparlaryň sekizisi gatnaşdy.

2 Iýul 2021

Sport

Sagdynlygyň sakasy

Berkarar Watanymyzda adam we onuň saglygy hakyndaky alada barha rowaçlanýar. Döwletimiziň kanunçylygynda jemgyýetiň iň gymmatly baýlygynyň adamdygy ykrar edilýär, adam üçin wajyplygyň aňrybaşy onuň saglygyndadyr. Saglyk düşünjesi häzirki zamanyň garaýyşlarynda syntgylanylyp, adamyň beden, ruhy taýdan özüni kadaly duýmagyny aňladýar. Ýurdumyzyň esasy Kanuny bolan Konstitusiýamyzda döwletiň ylmyň, medeniýetiň, sungatyň, halk döredijiliginiň, sportuň we syýahatçylygyň ösmegine ýardam edýändigi barada aýratyn bellenilýär. Şu jähtden ýurdumyzda köpçülikleýin bedenterbiýäni we sporty ösdürmegi göz öňünde tutýan birnäçe kanunlar we maksatnamalar kabul edildi hem-de üstünlikli durmuşa geçirilýär.

1 Iýul 2021

Sport

Ýeňiji belli boldy

Futbol Paýtagtymyzyň «Aşgabat» stadionynda Türkmenistanyň Futbol federasiýasynyň Kubogyny eýelemek ugrunda ýaryş geçirilip, oňa milli futbol çempionatymyzyň ýokary ligasynda çykyş edýän ýedi topar bilen Aşgabadyň «Altyn Asyrynyň» ýaşlar düzümi gatnaşdylar.

1 Iýul 2021

Sport

Sport. Sport. Sport.

Guwandyryjy ýeňişler Golaýda Murgap şäherindäki sport mekdebiniň meýdançasynda ýeňil atletika boýunça welaýatyň birinjiligini almak ugrunda ýaryş geçirildi. Ýaryş 2007 — 2009-njy, 2010 — 2011-nji ýyllarda doglan türgenleriň arasynda ýaş aýratynlyklary boýunça geçirildi. Bu bäsleşige biziň 6-njy orta mekdebimiziň okuwçylary hem gatnaşdylar.

30 Iýun 2021

Sport

Sport habarlary

Welaýat sport we ýaşlar syýasaty Baş müdirligi, «Türkmenistan» ýaşlar bedenterbiýe-sport guramasynyň welaýat bölümi hem-de Türkmenistanyň Magtymguly adyndaky Ýaşlar guramasynyň Balkanabat şäher geňeşi bilelikde talyp gyzlaryň arasynda stoluň üstünde oýnalýan tennis boýunça ýaryş geçirdiler. «Berkarar döwletiň bagtyýarlyk döwrüniň nesilleri» ady bilen geçirilen ýaryşyň netijesi boýunça Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň talyby Gözel Sazakowa birinji, şol bölümiň talyby Merjen Pollyýewa üçünji orunlary eýelemekligi başardylar. Ikinji orna bolsa Balkanabat nebitçilik orta hünär okuw mekdebiniň talyby Azatgül Rejepowa mynasyp boldy. Öňdäki orunlara eýe çykanlara Hormat hatlary hem-de ýadygärlik sowgatlar gowşuryldy.

28 Iýun 2021

Sport

Ýaşlara ýeňişler ýaran bolar

Hormatly Prezidentimiziň baştutanlygynda sanlyja ýylyň içinde türkmen sportunyň ýokary derejedäki ösüşlere eýe bolýandygyna hemmämiz şaýat. Türkmenistanyň dünýäniň sport arenasynda mynasyp orny eýelemegi-de halkymyzyň ruhubelentliginden, bagtyýar ýaşaýşa we eziz Diýarymyza bolan söýgüsinden nyşandyr. Biz halypa tälimçiler hökmünde türgenlerimiziň halkara ýaryşlarynda baýrakly orunlary eýelemekleriniň, üstünlikli çykyş etmekleriniň syryny ýurdumyzda olar üçin döredilýän çäksiz mümkinçiliklerde görýäris. Indi Diýarymyzyň haýsy künjegine barsaň hem ilki bilen döwrebap sport mekdepleridir stadionlar gözüňe ilýär. Olaryň ählisinde bolsa watandaşlarymyzyň sportuň dürli görnüşleri bilen meşgullanmaklary üçin aňrybaş şertleriň döredilmegi ezber türgenler bilen bir hatarda sagdyn, ählitaraplaýyn ösen, giň dünýägaraýyşly nesilleriň sanynyň artmagyna getirýär. Milli Liderimiziň sport ulgamynda amala aşyrýan özgertmeleriniň, durmuşa geçirilýän milli maksatnamalaryň we iri taslamalaryň özeninde jemgyýetimiziň baş gymmatlygy hasaplanylýan ynsan saglygyny berkitmek ugrundaky aladalar durýar. Bu bolsa sport ussatlarymyzy häzirki zamanyň talaplaryna laýyk derejede türgenleşdirmäge, okuw-türgenleşik işlerini talabalaýyk guramaga mümkinçilik berýär. Sagdynlygyň, yhlasyň bar ýerinde bolsa diňe şöhrata we üstünlige garaşybermeli. Ýaşamak, işlemek üçin şeýle aňrybaş mümkinçilikleri döredip berýän G

28 Iýun 2021

Sport

Garaşsyzlyk we türkmen sporty

Tomsuň söbügine düşüp geljek güýz beýik bagtymyzyň — mukaddes Garaşsyzlygymyzyň 30-njy güýzi bolar. Döwletli Diýarymyzyň toýa taýýarlanýan günlerinde şanly ýyllaryň ýüreklerde goýan ýakymly yzy barada pikir öwürmegiň hem üýtgeşik ýakymy bar. Çünki köpugurly ösüşler, öňegidişlikler — Garaşsyzlyk ýyllarynyň her bir gününe öz nuruny çaýdy. Dogrusy, «Garaşsyzlyk we türkmen sporty» diýlen düşünje boýunça, gerek bolsa, küti-küti kitaplary hem ýazyp bolar. Hususan-da, milli Liderimiziň ýurdumyza baştutanlyk edip gelýän döwrüniň içinde sportda ýetilen sepgitler, megerem, türkmen topragynyň tutuş taryhynda görüp-eşitmedik sepgitleri. Bu ýyllaryň esasy eçilen bagty bolsa, hemmeleriň «Sagdyn durmuş ýörelgeleri» diýilýän iňňän peýdaly ýörelgelere eýermegidir. Özi-de, hut, hormatly Prezidentimiziň göreldesi bilen.

24 Iýun 2021

Sport

Serhetçi türgenimiz Aziýa çempionatynda baýrak aldy

Golaýda Özbegistan Respublikasynyň Daşkent şäherinde sambo boýunça Aziýa çempionaty geçirildi. Bu halkara ýaryşa Türkmenistan döwletimiziň milli ýygyndy topary hem gatnaşdy. Sambo boýunça Aziýa çempionaty türkmen türgenleri üçin şowly ýaryşlaryň biri boldy. Onda milli ýygyndy toparymyzyň on üç türgeni baýrakly orunlara mynasyp boldy. Şolaryň hatarynda Döwlet serhet gullugymyzyň harby gullukçysy Babajan Iwadullaýew hem üstünlikli çykyş edip, söweş sambosy boýunça 2-nji orna mynasyp boldy. Bu eýýäm Türkmenistanyň ýaşyl Tuguny al-asmanda pasyrdadan serhetçi türgeniň halkara derejesindäki ýeňişleriniň nobatdakysydyr. Galyberse-de, bu üstünlikler ýurdumyzda, şol sanda Türkmenistanyň Döwlet serhet gullugynda harby gullukçylaryň sport bilen meşgullanmaklaryna uly üns berilýändiginiň ýene bir aýdyň subutnamasydyr. Biz hem serhet gullugymyzyň ähli şahsy düzüminiň adyndan türkmen türgenlerini, hususanam, serhetçi türgenimiz Babajany gazanan nobatdaky ýeňişleri bilen tüýs ýürekden gutlaýarys, şeýle hem olara sport äleminde täze ýeňişleri arzuwlaýarys!

23 Iýun 2021

Sport

Saglygyň sakasy — sport

Pederlerimiz: “Hereket — bu durmuş” diýip, ýöne ýere aýtmandyrlar. Ömrüňi uzaltmak üçin elmydama hereket etmeli, sport bilen yzygiderli meşgullanmaly. Sebäbi, işjeň hereketlilik adamyň bedenine, ruhuna oňaýly täsirini ýetirýär. Bedenterbiýe maşklary ýerine ýetirilende, adamyň gan aýlanyşygynyň kadalaşmagynyň netijesinde bedeniň kislorod we iýmit üpjünçiligi gowulanýar. Bu bolsa, ynsanyň özüni gowy duýmagyna, şähdiniň açyk bolmagyna getirýär. Sebäbi, sport ýaşaýşyň gözelligidir. Ýurdumyzda sporty ösdürmek bilen baglanyşykly işler giň gerimde alnyp barylýar. Halkyň saglygy hakynda alada, adamlaryň bagtyýar durmuşy üçin ähli şertleriň döredilmegi milli Liderimiziň ýöredýän syýasatynyň möhüm ugurlarynyň biri bolup durýar. Ýurdumyzyň Esasy Kanuny bolan Konstitusiýamyzda: “Döwlet ylmyň, medeniýetiň, sungatyň, halk döredijiliginiň, sportuň we syýahatçylygyň ösmegine ýardam edýär” diýlip kesgitlenilýär. Şu jähetden, Diýarymyzda köpçülikleýin bedenterbiýäni we sporty ösdürmegi ilerledýän birnäçe kanunlar we maksatnamalar kabul edildi we üstünlikli durmuşa geçirilýär. Raýatlaryň sagdyn durmuş ýörelgesini berkitmegiň, ýurdumyzda bedenterbiýäni we sporty ösdürmegiň, olaryň guramaçylyk-hukuk kadalary soňky ýyllarda kabul edilen “Bedenterbiýe we sport hakynda”, “Professional sport hakynda”, “Raýatlaryň saglygynyň goralmagy hakynda”, “Atçylyk we atly sport hakynda”, “Meýletinçilik hak

23 Iýun 2021

Sport

Ajaýyp ýeňişlere eýe bolýan türgen

Berkarar döwletimiziň bagtyýarlyk döwründe Türkmenistan — parahatçylygyň we ynanyşmagyň Watany ýylynda biziň sport mekdebimizde sportuň alty görnüşi hereket edýär. Mekdebimiziň ussat tälimçi-mugallymy, sportuň kik-boksing görnüşi boýunça Türkmenistanyň sport ussatlygyna dalaşgär Çarygeldi Bekmyradowyň taýýarlan türgeni — Mary şäheriniň 3-nji sport mekdebiniň we Türkmenistanyň sport we syýahatçylyk institutynyň uçurymy, Türkmenistanyň sport ussady Şöhrat Ýagmyrow sportuň kik-boksing görnüşi boýunça ajaýyp üstünliklere eýe bolýar. Ol 2014-nji ýylda Russiýa Federasiýasynda geçirilen dünýä ýaryşynda I orny, Türkiýe döwletinde geçirilen halkara ýaryşda hem I orny, 2015-nji ýylda Latwiýa döwletinde geçirilen halkara ýaryşynda I orny, 2016-njy ýylda Estoniýa döwletinde geçirilen halkara ýaryşynda I orny eýeläp, ýurdumyza uly abraý getirdi. Şeýle hem ol dünýä we halkara derejesinde geçirilen ýaryşlaryň ençemesine gatnaşyp, 1-nji, 2-nji, 3-nji orunlara eýe bolup, Türkmenistan döwletimiziň sport abraýyny belende göterdi.

23 Iýun 2021

Sport

Sagdyn ýaşaýşyň serişdesi

«Türkmenistan — parahatçylygyň we ynanyşmagyň Watany» ýylymyzyň 3-nji iýunynda Bitarap döwletimizde hormatly Prezidentimiziň başlangyjy esasynda Birleşen Milletler Guramasynyň Baş Assambleýasy tarapyndan esaslandyrylan Bütindünýä welosiped güni giňden bellenildi. Munuň özi milli Liderimiziň sport we bedenterbiýe-sagaldyş hereketini ösdürmek, jemgyýetde ekologiýa ýagdaýyny berkitmek ugrunda edýän tagallalaryna halkara derejesinde ýokary baha berilýändiginiň we ykrar edilýändiginiň subutnamasy boldy.  Milli Liderimiziň belleýşi ýaly, Bütindünýä welosiped güni parahatçylyk we raýdaşlyk, sagdynlyk we ruhubelentlik ýaly wajyp gymmatlyklaryň ähmiýetini alamatlandyrýan halkara baýramdyr. Ol parahatçylygyň ilçisi bolan sporty ösdürmek hem-de wagyz etmek, bu ulgamda netijeli hyzmatdaşlygy ýola goýmak üçin giň mümkinçilikleri açýar. Häzirki döwürde ýurdumyzda Halkara Olimpiýa Komiteti we sport federasiýalary bilen ýygjam gatnaşyklar, sportuň dürli görnüşleri, şol sanda welosiped sporty ösdürilýär. Hormatly Prezidentimiziň başlangyjy boýunça Birleşen Milletler Guramasynyň Bütindünýä welosiped gününi esaslandyrmak hakyndaky Kararnamasynyň netijesinde dünýä jemgyýetçiligi welosiped sportunyň ösdürilmegine, şeýlelikde, dünýäniň sport, jemgyýetçilik we maglumat toparlarynyň ýurdumyzyň tejribesini we Gahryman Arkadagymyzyň sagdyn durmuş ýörelgelerini wagyz etmek hem-de bu ug

23 Iýun 2021

Sport

Bütindünýä welosiped güni

Çagalar, hany aýdyň, näçerägiňiziň 3 ýaşlyja jigiňiz bar. Bilýän, jigi köpiňizde bardyr. Ýöne maňa diňe 3 ýaşlyjalar gerek. Şeýle jigileri bolan okyjylarymyz aramyzda hökman bardyr. Dogry, olar heniz «Güneşi» okab-a bilenokdyrlar. Diňe suratlaryny synlaýandyrlar. Žurnalda çap edilýän gyzyklyja ertekilerdir hekaýalary, goşgulary bolsa olara siz okap berýänsiňiz. Menem üç ýaşly birini tanaýan. Ýöne onuň bir aýratynlygy, ol — baýramçylyk. Özem bütin dünýäde bellenilýän baýram — Bütindünýä welosiped güni. Bu baýram siziň üç ýaşlyja jigiňiz bilen bir ýylda dünýä geldi. 2018-nji ýylyň 3-nji iýunynda Ýer ýüzi ilkinji gezek bu baýramy belledi. Özi-de, hut biziň ýurdumyzyň — Türkmenistanyň başlangyjy bilen. Hut şol ýyl dünýäniň iň iri guramasy bolan Birleşen Milletler Guramasy Bütindünýä welosiped güni baradaky Rezolýusiýany kabul etdi.

23 Iýun 2021

Sport

Sport — sagdyn durmuşyň gözbaşy

Berkarar döwletimiziň bagtyýarlyk döwründe, ösüş we innowasiýalar eýýamynda köpçülikleýin bedenterbiýe we sport durmuşymyzyň aýrylmaz bölegine öwrüldi. Köpçülikleýin sporta gyzyklanma, sport çäreleri ähli welaýatlarda hem giňden ýaýbaňlandyrylýar. Ýurdumyzyň çar ýanynda gurlup ulanylmaga berilýän stadionlar, sport we bedenterbiýe-sagaldyş toplumlary, sport meýdançalary, okuw jaýlarynyň sport zallary sporta höwesli ýaşlardan doly. Bularyň ählisi sagdyn bedenli, sagdyn ruhly nesilleri kemala getirmekde hem-de halkyň geljegi bolan ýaş nesliň saglygyny goramakda, milli sporty halkara derejesine çykarmakda uly ähmiýete eýedir. Hormatly Prezidentimiziň durmuşa geçirýän giň halkara hyzmatdaşlyk syýasaty hem ýurdumyzda sportuň okgunly ösdürilmegine ýardam edýär. Halkara Olimpiýa komitetiniň we Aziýanyň Olimpiýa Geňeşiniň agzasy bolan Türkmenistan halkara olimpiýa hereketiniň ösdürilmegine mynasyp goşant goşýar.

22 Iýun 2021

Sport