Sahawat merkeziniň täsin binasy
Beýik Britaniýanyň London şäherindäki Düwnük kesellileriň sahawat merkeziniň binasy özboluşly görnüşe eýedir. Merkez 462 inedördül metr meýdany eýeläp, şäher hassahanasynyň çäginde ýerleşýär. Onuň esasy aýratynlygy täsin usulda gurlanlygyndadyr. Bina seplenen direg pürslerden nätekiz, ýapgyt ýerde gurulýar. Beton bloklar kebşirlenen bina ýedi hepdäniň dowamynda taýýar hala getirilýär. Bina iki gatdan ybaratdyr. Onuň üçegindäki bagda 20 müňe golaý ösümlik we agaç görnüşleri ösdürilip ýetişdirilýär.
* * *