Welaýat Taryhy we ülkäni öwreniş muzeýinde Daşoguz şäheriniň çagalar çeperçilik mekdebiniň guramagynda Halkara Nowruz baýramy mynasybetli «Nowruz geldi ülkäme» diýen at bilen surat çekmek boýunça sergi bäsleşigi geçirildi. Bäsleşige Daşoguz şäherindäki çagalar çeperçilik mekdebiniň hem-de welaýatyň çagalar sungat mekdepleriniň çeperçilik bölümlerinde bilim alýan okuwçylar gatnaşdylar.
Sergide okuwçylaryň dürli reňkler bilen hem-de grafika usulynda çeken suratlarynda bahar paslynyň gözelligi, baýramçylyk günleri wasp edildi. Bäsleşikde birinji orunlara Daşoguz şäheriniň çagalar çeperçilik mekdebiniň 1-nji synp okuwçysy Mehrinisa Ruzmetowa, 4-nji synp okuwçylary Sewara Bagtyýarowa, Umidjan Şakirow, ikinji orunlara Daşoguz şäheriniň çagalar çeperçilik mekdebiniň 1-nji synp okuwçysy Madina Kalandarowa, Görogly etrabynyň çagalar sungat mekdebiniň okuwçysy Maýsa Meňlimedowa, Gurbansoltan eje adyndaky etrabyň çagalar sungat mekdebiniň okuwçysy Marjana Baltabaýewa, üçünji orunlara Daşoguz şäheriniň çagalar çeperçilik mekdebiniň 1-nji synp okuwçysy Gülnäz Parhadowa, 3-nji synp okuwçysy Merjen Hanowa, Boldumsaz etrabynyň çagalar sungat mekdebiniň 2-nji synp okuwçysy Aýsoltan Öwezowa, Akdepe etrabynyň çagalar sungat mekdebiniň 4-nji synp okuwçysy Rahmatjan Nurmetowa, Görogly etrabynyň çagalar sungat mekdebiniň 4-nji synp okuwçysy Oguljan Parhadowa, höweslendiriji orunlara Daşoguz şäheriniň çagalar çeperçilik mekdebiniň 1-nji synp okuwçysy Çaman Reýimbergenowa, 3-nji synp okuwçysy Indira Babahanowa, S.A.Nyýazow adyndaky etrabyň çagalar sungat mekdebiniň 1-nji synp okuwçysy Şyhnazar Täjimuradow, Akdepe etrabynyň çagalar sungat mekdebiniň 3-nji synp okuwçysy Mahym Baýlyýewa dagynyň surat eserleri mynasyp boldy.
