Gulaýym JUMAMYRADOWA,
Türkmenistanyň «Ene mähri» diýen hormatly adynyň eýesi:
— Indi ençeme ýyl bäri ýurdumyzda asylly däbe öwrülen tutumly başlangyç — sekiz we şondan köp çagany dünýä inderen hem-de terbiýeläp ýetişdiren enelere hormatly ady dakmak baradaky sahawatly çözgüt öz miwesini berip gelýär. Şu ýyl şeýle sahawata mynasyp bolmak bagty maňa-da miýesser etdi. Maşgalamyzda ýanýoldaşym Bezirgen Arazmedow bilen terbiýeläp ýetişdirýän alty gyz, iki ogul perzentlerimiziň ýurdumyzyň bagtyýar geljegini üpjün etmäge gönükdirilýän asylly işlere mynasyp goşant goşmak ruhunda kemala gelmegine aýratyn ähmiýet berýäris. Şeýle şatlykly, özüm hem maşgalam üçin owadan bagtyň miýesser bolan gününde munuň biziň üçin uly borçdugyny tüýs ýüregimden, ene mährime garyp uly ynam bilen aýdýaryn. Bize şeýle bagt nesibesini rowa gören hormatly Prezidentimiziň jany sag, belent başy aman bolsun!
