Hormatly Prezidentimiz Gurbanguly Berdimuhamedow ekologiýa meselelerine aýratyn üns berip, daşky gurşawa aýawly çemeleşmekde, tebigy serişdelerden rejeli peýdalanmakda, haýwanlaryň we ösümlikleriň bioköpdürliligini geljekki nesillere ýetirmekde ummasyz uly işleri alyp barýar. Bu barada Türkmenistanyň Konstitusiýasynyň 53-nji maddasynda “Her bir adam tebigaty goramaga, daşky gurşawa we tebigy baýlyklara aýawly çemeleşmäge borçludyr” diýlip nygtalýar.
Berkarar döwletimiziň bagtyýarlyk döwründe ekologiýa, daşky gurşawa, tebigaty gorap saklamaga we söýmäge bagyşlanan eserleriň döremegine giň ýol açmak maksady bilen Türkmenistanyň Tebigaty goramak jemgyýetiniň welaýat bölümi “Maru — şahu jahan” gazetiniň redaksiýasy bilen bilelikde “Tebigat gözelligi — Watan gözelligi” ady bilen gazetiň okyjylarynyň arasynda alnan suratlar, makalalar, oçerkler, goşgular boýunça döredijilik bäsleşigini yglan edýär.
