Türkmen oba hojalyk institutynyň Bagbançylyk we gök ekerançylyk kafedrasynyň guramagynda «Innowasion tehnologiýalary miweçilik we gök ekerançylyk pudaklarynda ornaşdyrmak» atly ylmy-önümçilik maslahaty geçirildi. Ylmy-önümçilik maslahata Bagbançylyk we gök ekerançylyk kafedrasynyň mugallymlary, welaýatymyzyň oba hojalyk ugurly edaralarynyň hünärmenleri gatnaşdylar.
Maslahat Türkmen oba hojalyk institutynyň okuw-tejribe hojalygynda geçirildi. Onda Bagbançylyk we gök ekerançylyk kafedrasynyň müdiri Aýna Atajumaýewa giriş sözi bilen çykyş edip, bu ugurda özara pikir alyşmalary, netijeli hyzmatdaşlygy çuňlaşdyrmak barada pikirlerini beýan etdi.
