Eýsem, Gurbandurdy Zeliliniň şahyrana dünýäsiniň daýanç nokady nämede, onuň ylham çeşmesi nireden gözbaş alýar?! Muňa biz ikirjiňlenmezden: «Watana bolan söýgüden başlanýar» diýip jogap berip bileris.
Magtymguly Pyragynyň şygyrlaryndaky öňe sürülýän watansöýüjilik, ýurda sarpa, il-halka bolan hormat-söýgi akyldar şahyryň ýegeni Zeliliniň şygyrlarynda hem ör-boýuna galýar. Şahyryň ykbal tartyp, bendilikde bolan ýyllary Watan zaryny çekip ýazan şygyrlary onuň kalp owazy bolup okyjynyň ýüregine gönümel ýol salýar.
