Dünýä Ralli çempionatynda möwsümiň 11-nji ýaryşy Çiliniň Konsepsion şäherinde geçirildi. 16 tapgyrdan ybarat bolan 307,48 kilometrlik ýaryşda soňky 2 ýylyň çempiony Kalle Rowanpera ýeňiji boldy. «Toyota Gazoo» toparynyň fin sürüjisi ýaryşy 2 sagat 58 minut 59,8 sekuntda tamamlap, möwsümdäki 4-nji, karýerasyndaky 15-nji ýeňşini gazandy.
Ýaryşda toparyň başga bir sürüjisi, britaniýaly Elfin Ewans 2-nji, «Hyundai Shell Mobis» toparynyň estoniýaly piloty Ott Tanak 3-nji orny eýeledi. Sanawyň lideri, «Hyundai Shell Mobis» toparynyň belgiýaly sürüjisi Tierri Noýwill 4-nji orna mynasyp boldy.
