Futbol boýunça 17-nji Ýewropa çempionaty ýokary depginde dowam edip, toparçalardaky 1-nji aýlawyň duşuşyklary tamamlandy.
Çempionatyň açylyş duşuşygynda ýer eýeleri Germaniýanyň ýygyndysy Şotlandiýany 5–1 hasabynda ýeňlişe sezewar etdi. Duşuşygyň 10-njy minutynda hasaby açan Florian Wirts çempionatyň ilkinji goluny derwezä girizdi. Wengriýa bilen Şweýsariýanyň arasyndaky oýunda-da şweýsarlar garşydaşyny 3–1 hasabynda ýeňmegi başardy.