«7/24. tm» №22 (209), 27.05.2024
Şygryýetiň, ýagşy sözüň muşdaklary ýurdumyzyň köpsanly, dürli görnüşli habar beriş serişdelerinden häli-şindi Aşyrmät Garlynyň goşgularyny, poemalaryny, makalalaryny okaýandyrlar, şol sanda teleradioýaýlymlar arkaly çykyşlaryny diňleýändirler. Edebiýatyň gyrasyna ir gelip, derrewem ýitirim bolanlary kän gördük. Aşyrmät birneme eglenibräk geldi. Özüni yzygiderli kämilleşdirdi. Ol indi okyjylaryň, diňleýjileriň arasynda ýurdumyzyň iň tanymal awtorlarynyň birine öwrüldi. Onuň käbir goşgulary alypbaryjylaryň, diktorlaryň häli-şindi okamagynda gepleşikleri dowamly bezäp gelýär. Muňa mysal hökmünde, «Arzuw» goşgusyndan aşakdaky setirleri getiresimiz gelýär: