Balkanabat şäherindäki Magtymguly adyndaky daşary ýurt dillerini çuňlaşdyryp öwredýän ýöriteleşdirilen 2-nji orta mekdepde Magtymguly Pyragynyň doglan gününiň 300 ýyllygy mynasybetli «Açyk gapylar» güni geçirildi.
Çäräniň açylyş dabarasynda okuwçylar akyldar şahyrymyzyň döredijiligine bagyşlanan edebi-sazly kompozisiýa, şeýle-de özleriniň döreden goşgulary bilen çykyş etdiler. Bu ýerde başlangyç synp okuwçylarynyň ýerine ýetiren aýdym-sazly çykyşlary täsirliligi bilen tapawutlandy.