Kaka etrabyndaky orta mekdepleriň ýokary synp okuwçylarynyň arasynda sportuň welosiped sürmek we estafeta görnüşleri boýunça ýaryş geçirildi. Ýaşlaryň berk bedenli, sagdyn ruhly bolup ýetişmeklerini, sagdyn durmuş ýörelgelerine berk eýermegini gazanmak bilen bir hatarda, olarda watansöýüjilik terbiýesini kemala getirmek maksady geçirilen ýaryş etrap bilim bölümi, etrabyň bedenterbiýe we sport bölümi tarapyndan bilelikde guraldy.
Kaka etrap bilim bölüminiň iş meýilnamasyna laýyklykda guralan ýaryş diýseň gyzykly we çekeleşikli geçdi. Welosiped sürmekde etrapdaky 18-nji orta mekdebiň okuwçylaryndan düzülen topar birinji orna, 2-nji orta mekdebiň okuwçylaryndan düzülen topar ikinji orna, 21-nji orta mekdebiň okuwçylaryndan düzülen toparlar üçünji orna mynasyp boldy. Sportuň estafeta görnüşinde 17-nji orta mekdebiň okuwçylary birinji orna, 16-njy orta mekdebiň okuwçylary ikinji orna, 28-nji orta mekdebiň okuwçylary üçünji orna mynasyp boldy.
