Berkarar döwletiň täze eýýamynyň Galkynyşy döwrüniň şu ýylynda Görogly etrabynyň pagtaçy daýhanlary 17,5 müň gektar meýdanda bol hasyly ýetişdirmegi göz öňünde tutmak bilen, häzirki günlerde gowaça ekişini ýokary depginde alyp barýarlar. Etrabyň çäklerinde oňat sürlüp, borona-mala basylan ýerlerde tohum atylan atyzlaryň gektar sany barha artýar.
Häzirki wagtda etrap boýunça gowaça ekişinde dürli kysymly, kuwwatly traktorlaryň 160-dan gowragynyň, ekijileriň 80-e golaýynyň güýjünden öndürijilikli peýdalanylýar. Olaryň ençemesi hormatly Prezidentimiziň taýsyz tagallalary bilen, soňky ýyllarda daşary ýurtlardan satyn alnyp etrap «Obahyzmat» önümçilik kärhanasyna gelip gowşan tehnikalardyr.
