Waspyny söz bilen beýan edip bolmajak gözelligi öz gözleriň bilen synlamak maslahat berilýär. Ine, ýakynda paýtagtymyzda açylyp, «Pähim-paýhas ummany Magtymguly Pyragy» ýylynyň baharynda Magtymguly şaýoluna özboluşly bezeg beren «Arkaç» söwda-dynç alyş merkezi hakynda söz açylanda hem, ildeşlerimize: «Özüňiz baryp görüň!» diýesiň gelýär. Özi-de bu döwrebap merkeze häzirki Nowruz günlerinde baryp görmegiň täsiri başgaça.
Işewürlik merkezli we ýerasty duralgaly bu iri binalar toplumynyň gurluşygyny Türkmenistanyň Senagatçylar we telekeçiler birleşmesiniň agzasy «Ussat» hususy kärhanasy alyp bardy. Birleşmäniň gurluşyk bölüminiň baş hünärmeni Hudaýguly Bugraýew bu barada şeýle gürrüň berdi:
