13-nji martda welaýatymyzda geçirilen iri dabaralar bagtyýar watandaşlarymyzyň her birinde çäksiz şatlyk duýgularyny döretdi. Taryha şan beren wakalaryň gurşawynda welaýat merkezinde ýene-de 36 maşgalanyň ähli amatlylyklary bolan döwrebap ýaşaýyş jaýlaryna göçüp gelmegi aýratyn bellärliklidir.
Şeýlelikde diňe şu aýyň özünde welaýat merkezimizde täze jaýlardan paýly bolan bagtyýar maşgalalaryň sany 100-den geçdi. Munuň özi galkynyşly döwrümiziň ildeşlerimize bagyşlaýan belent bagtynyň bir parçasydyr. Ajaýyp döwrümizde ömrüniň iň uly arzuwlarynyň birine gowşup, täze jaýlara göçüp barýan watandaşlarymyz Gahryman Arkadagymyza we Arkadagly Gahryman Serdarymyza tüýs ýürekden alkyş aýdýarlar.
