6-njy oktýabrda Hatyra güni mynasybetli Berdimuhamet Annaýew adyndaky Arkadag şäher mugallymçylyk orta hünär okuw mekdebinde «Pederleriň ruhuna tagzym» atly çäre geçirildi. Şäher häkimliginiň işgärleriniň, orta hünär okuw mekdebiniň mugallymlarydyr talyplarynyň, şeýle-de mekdep okuwçylarynyň gatnaşmagynda geçen bu çäräniň barşynda okuw binasynyň girelgesinde ýerleşdirilen halypa mugallym, watançy esger, ilhalar ynsan Berdimuhamet Annaýewiň heýkeline gül desseleri goýlup, onuň ömür we zähmet ýoluna degişli gymmatlyklary özünde saklaýan muzeýe gezelenç edildi.
* * *
