Öňňin Arkadag şäheriniň Jemgyýetçilik guramalarynyň edara binasynda şäher häkimliginiň hem-de Türkmenistanyň Demokratik partiýasynyň Arkadag şäheriniň komitetiniň bilelikde guramaklarynda «Türkmenistan — sagdynlygyň we bagtyýarlygyň ýurdy» atly aýdym-sazly maslahat geçirildi.
Gahryman Arkadagymyza, Arkadagly Gahryman Serdarymyza tüýs ýürekden çykýan alkyşly sözler, lukmanlaryň hünär baýramy mynasybetli gutlaglar çykyşlaryň esasy mazmunyny düzdi. Sahy Jepbarow adyndaky Arkadag şäheriniň ýörite sungat mekdebiniň talyplarynyň ýerine ýetiren aýdym-sazlary maslahata gatnaşanlara ruhubelentlik paýlady.
