Ýaşulularyň halkara gününde Arkadag şäheriniň Jemgyýetçilik guramalarynyň binasynda «Ýaşulular ýaşlaryň görelde mekdebidir» atly dabaraly maslahat geçirildi. Şäher häkimliginiň, şeýle-de şäherde hereket edýän jemgyýetçilik guramalary tarapyndan geçirilen bu maslahata täze şäherde ýaşaýan il sylagly ýaşulular hem gatnaşdylar. Dabaraly maslahatyň esasy mazmunyny ýurdumyzda ýaşuly nesle goýulýan sarpa, Gahryman Arkadagymyzyň, Arkadagly Gahryman Serdarymyzyň bu ugurda alyp barýan işleri hakdaky çykyşlar düzdi.
Dabaraly maslahatyň ahyrynda il sylagly ýaşululara baýramçylyk sowgatlary gowşuryldy.
