Ýakymly ysy bilen bark urýan datly gawunlar türkmen topragynyň nygmatlarynyň biridir. Tomus paslynyň gelmegi bilen bu bakja önümi türkmen saçagynyň bezegine öwrülýär. Gawunyň 40-a golaý görnüşi bolup, şolaryň arasynda waharman, gürbek, gülaby, tartary özboluşly tagamy bilen saýlanýar. Bu bakja önüminiň düzümi, esasan, suwdan ybaratdyr. Gawunyň düzümi süýüme baý bolup, adam saglygy üçin peýdaly A, C, B1, B2, B5 witaminleri, uglewodlary hem-de kaliý, natriý, kalsiý, magniý, fosfat ýaly maddalary özünde jemleýär. Gawun saglyk üçin örän peýdalydyr.
Immuniteti güýçlendirýär. Gawunyň düzümindäki kaliý we C witamini immuniteti güýçlendirip, bedeniň kesele garşy durujylyk ukybyny üpjün edýär.