Şu günler ýurdumyzyň ähli sebitlerine jöwzaly yssy howa akymy aralaşdy. Dowam edýän yssy günlerde saglygyňy durnukly saklamak esasy wezipe bolup durýar. Bu babatda lukmanlar şeýle maslahat berýärler:
Howanyň çakdanaşa gyzmagy adam bedeninde dürli näsazlyklaryň ýüze çykmagyna getirýär. Gündiziň jöwzaly yssysynda çagalaryň daşarda oýnamaklaryna ýa-da gezelenç etmeklerine rugsat bermeli däldir. Ýaş çaganyň bedenine gerek bolan D witamininiň ýeterlik mukdaryny almagy üçin onuň bilen her gün irden sagat 10:00-a çenli, agşam sagat 18:00-dan soň 15 — 20 minut çemesi gezelenç etmek ýeterlikdir.