Türkmenmetbugat

''Arkadagly ýaşlar" žurnaly

Esaslandyryjysy-Türkmenistanyň magtymguly adyndaky ýaşlar guramasy Salgysy: aşgabat ş.,garaşsyzlyk şaýoly; 104 Tel.:(993 12) 44-88-80; faks:44-88-94 Poçta salgysy: arkadaglyyashlar@gmail.com

Gazeti PDF görnüşinde ýükläp almak

Habarlar

Aşgabadyň hoş owazly waspçysy

Golaýda hormatly Prezidentimiz gözel paýtagtymyz boýunça amala aşyran iş saparynyň çäklerinde ata Watanymyzyň mukaddes Garaşsyzlygynyň 30 ýyllygy mynasybetli ulanylmaga berilmegi meýilleşdirilýän Söwda we dynç alyş merkezinde gurluşygyň alnyp barlyşy bilen tanyşdy. Tanyşlygyň dowamynda hormatly Prezidentimiz bu gurluşyk toplumynyň adyna «Aşgabat» diýlip at berilse, maksadalaýyk boljakdygyny aýtdy hem-de Aşgabat şäherine bagyşlanan aýdymlaryň bäsleşigini geçirmek barada degişli ýolbaşçylara tabşyryklary berdi. Şonda Gahryman Arkadagymyzyň Türkmenistanyň halk artisti Myrat Sadykowyň «Aşgabat» atly aýdymy ussatlyk bilen ýerine ýetirendigini, onuň meşhur aýdymlarynyň tomaşaçylaryň kalbynda berk orun alandygyny ýatlamagy şu makalany ýazmagyma itergi berdi. Myrat Sadykow 1936-njy ýylyň 3-nji sentýabrynda Aşgabat şäherinde mugallymyň maşgalasynda dünýä inýär.  Aýdym-saza bolan höwes onda çagalykdan başlanýar. 1941 — 1945-nji ýyllaryň urşy ýyllarynda Leningradyň (häzirki Sankt-Peterburg) harby gospitallarynyň biri Aşgabada göçürilip getirilýär. Kaka etrabynyň Gowşut obasynda ýaşaýan daýysy Kadyr alty ýaşly Myradyň aýdym-saza bolan höwesini duýup, oňa mandolin sowgat berýär. Ol mandolin bilen ýaraly esgerleriň öňünde çykyş edip, olara ruhy goldaw berýär. 1955-nji ýylda orta mekdebi tamamlap, Aşgabadyň M.I.Kalinin adyndaky oba hojalyk institutyna (häzirki Türkmen oba hojalyk uniwers

1 Fewral 2021

Sazda jadyly güýç bar

Saz ynsanyň gülden näzik göwnüni göterýän jadyly bir gudratdyr. Ynsan şatlykly owaza şatlanýar, mylaýym heňe rahatlanýar, gaýgyly sazy diňlände gussa çümýär, sebäbi aýdym-saz ýürege baryp ýetýär. Men hem saz sungatyny öz ykbalymda, durmuşymda ýörelge edindim. Saza bolan höwes çagalygymdan başlandy. Entek orta mekdebiň okuwçysykam, il içinde Kömek sazanda diýlip tanalýan agamyň elimden tutup, Serdar şäherindäki çagalar sungat mekdebiniň bosagasyndan ätledendigi ýadyma düşýär. Bu aýdym-saz ojagy meni mähir bilen garşylady. Men fortepiano bölüminde okap, özüme saz çalmagyň inçe tilsimlerini öwreden, yhlas bilen tälim beren mugallymlarymdan sapak aldym, köp zatlary öwrendim.

1 Fewral 2021

Halypadan tälim alan gyjakçy

Golaýda goňşymyzyň Watan öňünde mukaddes gulluk borjuny berjaý edip gelen ogluny gutlamaga gelen Berdi gyjakçy bilen bir saçakda oturmaklyk miýesser etdi. Ony mekdep ýyllarymdan bäri tanaýaryn. Ýoldaş bolup, sapara giden wagtlarymyz hem köp boldy. Saglyk-amanlyk soraşanymyzdan soň, ikimiziň gürrüňimiz aýdym-saza, sungat älemine syrykdy. Şonda men Berdi gyjakçynyň ilkinji synagdan geçişi baradaky bir ýatlamamy özüne gürrüň berdim. Bu waka 1972-nji ýylyň aprel aýynyň ahyrynda bolupdy. Ýurdumyz boýunça geçirilýän festiwala etrapdan gatnaşmaly zehinli ýaşlaryň 10 — 12-siniň sanawy düzülipdi. Etrap ýaşlar guramasynyň başlygy hökmünde meni topara ýolbaşçy edip belläpdiler. Bu jogapkärli wezipä hötde gelmeklik üçin, her gün işiň ahyrynda Türkmenistanyň halk artisti Nurberdi Gulow bilen bilelikde ýaşlaryň taýýarlygyny gözden geçirýärdik.

1 Fewral 2021

Siziň söýgüli multfilmiňiz «Towuk ylgawy»

Animasiýa studiýalary tarapyndan çagalara öwüt-ündew berýän ekran eserleri agzybirlik, dostluk, jebislik ýaly mowzuklar esasynda döredilýär. Şeýle ajaýyp multfilmleriň biri-de «Towuk ylgawydyr». Adyndan hem belli bolşy ýaly, multfilmiň esasy gahrymanlary towuklardan ybarat. Bu animasiýa eseri iňlis «Ardman Animations» studiýasy tarapyndan döredilýär. Multfilm studiýanyň iň naýbaşy eserleriniň biridir. Ekran eseriniň şowly çykmagyna amerikan «DreamWorks Animation» we fransuz «Pathe» studiýalary özüniň saldamly goşandyny goşýar. «Towuk ylgawy» multfilmi 2000-nji ýylyň 23-nji iýulynda ABŞ-da ýaýlyma berildi. Wagtyň geçmegi bilen bu multfilm birnäçe dillere, şol sanda türkmen diline terjime edildi. Körpeleriň köňül küýsegine öwrülen «Towuk ylgawy» multfilminiň dowamlylygy 84 minuda barabardyr. Gyzykly multfilm birnäçe halkara abraýly baýraklaryna mynasyp boldy. Bu bolsa ekran eseriniň şowly çykandygyna şaýatlyk edýär. Mähriban çagalar! Üns beren bolsaňyz, multfilmiň gahrymanlarynyň başdan geçirýän wakalary agzybirligiň gadyr-gymmatyny äşgär edýär. Onda özygtyýarlylyk, erkinlik mowzuklaryna hem aýratyn ähmiýet berilýär. Multfilmiň gahrymanlary jebisleşip, maksadaokgunly hereket edip, uzak wagtdan bäri arzuwlan maksadyna ýetýär.

1 Fewral 2021

Oba durmuşynyň aýdymçysy

Bütin ömrüni diýen ýaly obada ýaşap, döredijiligini oba durmuşy bilen baglanyşdyran ýazyjy Amanny Ataýewiň şeýle bir pelsepesi bardy: “Eger, men ýazyjy boljak bolsam, onda obada-da bolup bilerin, eger-de men ýazyjy bolup bilmejek bolsam, maňa şäherde ýaşamagyň peýdasy näme?” Şu pelsepesine-de ol çyn ýürekden uýdy. Ol özüniň iň oňat eserlerini obada döretdi. Onuň öz döwründe aýratyn kitap bolup çykan “Açyş”, “Äpet adam”, “Ulugyz” ýaly ýygyndylaryndan çen tutsaňam, ol türkmen edebiýatynda oba durmuşyny psihologik yzarlamalar arkaly şöhlelendirmegi başaran ýazyjy. Ol haýsy temada galam işledende- -de wakalar oba adamlarynyň häsiýeti, edim-gylymy, olaryň töwerekde bolýan wakalara bolan garaýyşlary bilen utgaşykly beýan edilýär. Hut, şu jähetdenem, onuň ähli eserini oba durmuşyndan ýazylan eser hökmünde kabul edýärsiň. Hut, şu jähetdenem oňa oba durmuşynyň aýdymçysy diýmek gelişýär. Onuň diňe ýaşaýşy ýa-da döredijiligi däl, eýsem, tutuş durky, häsiýeti, gep urşy, geýnişi, hatda ýöreýşem oba bilen, oba häsiýeti bilen baglanyşykly. Ýogsam, ol Aşgabatda bäş ýyl okap, ondan ozalam üç ýyl Orsýetiň uzak şäherlerinde harby gullukda bolup, şäher durmuşyna ýagşy öwrenişerçe bolan adam. Şonda--da ol uniwersiteti tamamlap, diplomyny jübüsine salaga-da, niredesiň dogduk depäm diýip ýola düşüpdi. Ýogsam, beýleki ýazyp-bozýan ýoldaşlary ýaly, ol Aşgabatda gazet-žurnallaryň redaksiýalarynda gal

1 Fewral 2021

Sazandalar maşgalasy

Meşhur bagşy Sary bagşynyň we onuň ogly Pürli Saryýewiň we ýene birnäçe halypa sazandalaryň aýtmaklaryna görä, türkmenlerde 3 kirişli gyjak, takmynan, XVIII asyryň ikinji ýarymynda ýüze çykypdyr. Ilkibaşda ony arap, hindi ýurtlaryndan getirilen kokos hozundan, suwkädiden ýasapdyrlar, soňra tut agajynyň içini köwüp ýasandyklary barada halypalar gürrüň berýärler. Etrabymyzdaky çagalar sungat mekdebimizde ýaş nesle saz sungatyny öwretmekde uly tagallalar edilýär. Bu ýerde çagalaryň saýlan ugurlary boýunça bilim alyp, kämilleşmekleri üçin ähli şertler bar. Mekdebimizde Begenç Myradow halypalyga ýetişen tejribeli mugallymlaryň biri bolup, ol gyjak hünärinden bilim berýär. 1989-njy ýylda Sakarçäge etrap çagalar sungat mekdebine gyjak hünäri boýunça okuwa giren Begenç özüniň ukyp-başarnygyny äşgär edýär. Ýaş oglanyň aýratyn zehinine üns beren halypa mugallym Çary Karaýew oňa ýakyndan goldaw-ýardam berýär. Begenjiň saz sungatynyň uç-gyraksyz älemine içgin aralaşmagyna halypalyk edýär. Kämilligiň ýoluny ynamly külterläp başlan B. Myradow 1994-nji ýylda Marynyň Ý. Hummaýew adyndaky ýörite sazçylyk mekdebinde okuwyny dowam etdirýär. Gyjak çalmagyň inçe syrlaryny ykjam ele alýar, kämilleşýär. Mekdepde B. Myradowa tejribeli mugallymlar Agamyrat Jumaýew, Nurmyrat Babaýew halypalyk edip, onuň ukyp-başarnygynyň ýokarlanmagyna goldaw-ýardam berýärler.

1 Fewral 2021

Milli medeniýetimiziň şöhraty

Hormatly Prezidentimiz milli aýdym-saz sungatymyzyň, medeniýetimiziň uly ösüşlere eýe bolmagy ugrunda bimöçber tagallalary edýär. Eziz Diýarymyzyň çäginde yzygiderli gurlup, ulanylmaga berilýän medeniýet öýleridir merkezleri, sungat mekdepleri, muzeýler, kitaphanalar hem munuň şeýledigine şaýatlyk edýär. Şeýle kaşaň desgalar milli medeniýetimiziň we sungatymyzyň ösmegi bilen birlikde, bu ugurda kämil hünärmenleriň kemala gelmeginde hem uly ähmiýete eýedir. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» medeniýet ulgamyny mundan beýläk-de ösdürmegiň wezipeleriniň beýanyny tapmagy has-da begendirýär. Maksatnamada döwletimiz tarapyndan medeniýet ulgamyny maglumatlar bilen üpjün etmek, çeper döredijilik we innowasiýa işi üçin şertleri döretmek, ilat üçin medeni gymmatlyklaryň elýeterliligini giňeltmek we dünýä medeniýetine goşulyşmak boýunça işjeň çäreleriň görülmegi bellenilýär. Onda medeniýet ulgamynyň ösüşine has-da itergi berjek desgalaryň gurluşygyna aýratyn ünsüň berilmegi ählimizi begendirýär.

31 Ýanwar 2021

Watanym garaşsyz, ilim bagtyýar

Aýdyň, ösüşli menzillere tarap ynamly öňe barýan berkarar Watanymyz «Türkmenistan — parahatçylygyň we ynanyşmagyň Watany» diýlip at berlen üstümizdäki ýylda mukaddes Garaşsyzlygymyzyň şanly 30 ýyllygyny belleýär. Seriňi buýsançdan doldurýan, kalbyňy mähir-muhabbete besleýän bu şanly sene her bir türkmenistanly üçin günleriň iň zyýadasydyr. Bu şöhratly sene ata-babalarymyzyň asyrlarboýy garaşsyzlyk, özbaşdaklyk ugrunda eden arzuw-umytlarynyň myrat tapmasydyr. Bu gün hormatly Prezidentimiziň parasatly baştutanlygynda keramatly topragymyzda Garaşsyz Watanymyzyň täze taryhy ýazylýar. Asyrlara barabar döwletli tutumlar, içeri we daşary syýasatymyzda ýetilýän belent sepgitler mukaddes Garaşsyzlygymyzyň şöhratly senesini giňden dabaralandyrmaga, ony täze zähmet ýeňişlerine beslemäge giň ýol açýar. Mälim bolşy ýaly, 2020-nji ýylyň 23-nji dekabrynda döwlet Baştutanymyz ýurdumyzyň medeniýet ulgamynyň ýolbaşçylarynyň gatnaşmagynda sanly wideoaragatnaşyk arkaly iş maslahatyny geçirip, Garaşsyz Watanymyzyň 30 ýyllyk şanly toýunyň belleniljek ýylynda öňde durýan wezipeleri kesgitledi. Garaşsyzlygymyzyň ýubileý senesini hem-de milli Liderimiziň başlangyjy bilen 2021-nji ýylyň dünýä derejesinde «Halkara parahatçylyk we ynanyşmak ýyly» diýlip yglan edilmeginiň ähmiýetini giňden açyp görkezmek şolaryň ileri tutulýan ugrudyr. Munuň özi ýurdumyzyň medeniýet ulgamynyň aýry-aýry ugurlarynyň ö

30 Ýanwar 2021

Saz bilen söhbet

Ol heniz harplygy öwrenýärkä, owaz diýlen zatda nähilidir bir uly güýjüň-gudratyň bardygyny duýýardy. Şeýdip bilesigeliji oglanjyk islendik zatdan özüçe owaz alýardy. Ine, indi şol owazyň awtorynyň sazlary meşhur orkestrde ýaňlanýar! Ol owaz — sazanda Hemra Agageldiýewiňki. Ol eýýäm üçünji synp okuwçysyka elektro depde saz çalyp, toýy sowup ýörenlerden eken. Ol şeýde-şeýde sungatyň syrly ýodasyndan ýola düşýär.

29 Ýanwar 2021

Ajaýyp eserlerde Watan waspy

Dünýä giňişliginde mynasyp orny eýeläp, BMG-niň durnukly ösüş maksatlaryny üstünlikli durmuşa geçirýän Türkmenistan Watanymyzyň parahatçylyk söýüjilikli syýasaty uly üstünliklere beslenýär. 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy saýlap alan milli ösüş ýolumyzyň döredijilikli dowam etdirilýändiginiň aýdyň görkezijisine öwrüldi. Ýurdumyzyň medeniýet we sungat ulgamynyň edaralarynda dürli döwrebap medeni köpçülik çäreleri yzygiderli geçirilýär. Türkmenistanyň Döwlet medeniýet merkeziniň Döwlet kitaphanasynda ähli welaýat kitaphanalary hem-de Bazar Amanow adyndaky Döwlet çagalar kitaphanasy, Aşgabat şäher Merkezleşdirilen kitaphanalar ulgamy bilen bilelikde «Gahryman Arkadagymyzyň ylmy hem-de edebi çeper eserlerinde watançylyk temasy» atly wideoaragatnaşyk arkaly söhbetdeşlik geçirildi. Bu söhbetdeşlikde hormatly Prezidentimiziň bize peşgeş beren gymmatly eserlerinde Watana bolan söýgi, dost-doganlyk, agzybirlik ündelýän temalar hakynda giňişleýin gürrüň edildi. Şeýle-de söhbetdeşligiň dowamynda kitaplar hakyndaky maglumatlary elektron ulgama geçirmek işi dogrusynda durlup geçildi. Munuň özi kitaphanalarda alnyp barylýan täze iş usullaryna kömek bolar. Bu çäre mynasybetli «Hormatly Prezidentimiziň kitaplary — watansöýüjiligiň belent nusgasy» ady bilen kitap sergisi hem guraldy.

29 Ýanwar 2021

Üns beriň, bäsleşik!

Mukaddes Garaşsyzlygymyzyň şanly 30 ýyllygynyň giňden bellenilýän, «Türkmenistan — parahatçylygyň we ynanyşmagyň Watany» ýylynda Aşgabat şäheriniň döredilmeginiň 140 ýyllygy mynasybetli Aşgabat şäher häkimligi, Türkmenistanyň Demokratik partiýasynyň Aşgabat şäher komiteti, Türkmenistanyň Magtymguly adyndaky Ýaşlar guramasynyň Aşgabat şäher geňeşi, «Aşgabat» gazetiniň redaksiýasy bilelikde iň gowy makalalaryň we goşgularyň, dürli žanrlarda ýazylan eserleriň hem-de paýtagtymyzyň gözel künjeklerinden düşürilen fotosuratlaryň «Arkadagyň ak şäheri — Aşgabat» atly döredijilik bäsleşigini yglan edýär. Bäsleşige döredijilik işgärleri bilen bir hatarda, paýtagtymyzda we ýurdumyzyň dürli künjeklerinde ýaşaýan ildeşlerimiz gatnaşyp bilerler.

29 Ýanwar 2021

Ak mermerden gurulýan bagt şäheri aşgabat

«Türkmenistan — parahatçylygyň we ynanyşmagyň Watany» ýylynyň ilkinji günleri şowly ädimler bilen başlanyp, tutuş ýylyň dowamynda uly üstünlikleriň gazanyljakdygyndan habar berýär. Munuň şeýledigini Gahryman Arkadagymyzyň Lebap welaýatyna bolan iş saparynyň üstünlikli tamamlanyp, ýurdumyza hem halkymyza, galyberse-de, goňşy döwletlere bähbitli işlere badalga berilmegi tassyklaýar. Golaýda bolsa ýurt Baştutanymyz paýtagtymyz boýunça iş saparlaryny amala aşyryp, baş şäherimizde gurulýan binalardyr desgalarda gurluşyk işleriniň barşy bilen ýakyndan tanyşdy. Mukaddes Garaşsyzlygymyzyň şanly 30 ýyllygynyň giňden belleniljek ýylynda ulanylmaga berilmegi meýilleşdirilýän desgalaryň hatarynda durýan gurluşyklara baryp, gözel paýtagtymyzyň binagärligi bilen ajaýyp sazlaşygy emele getirjek täze binadyr desgalaryň döwrüň ösen isleglerine kybap gelmegi ugrunda alnyp barylýan işleri ýakyndan synlady hem-de baha berdi. Häzirki wagtda ýurdumyzyň sebitleri bilen bir hatarda gözel Aşgabatda hem şähergurluşyk maksatnamasynyň çäklerinde giň möçberli özgertmeler ýaýbaňlandyrylyp, üstünlikli alnyp barylýar. Gahryman Arkadagymyzyň tagallasy bilen gurulýan binalaryň her biri derwaýyslygy, göze gelüwliligi, milli özboluşlylygymyza kybap gelýänligi bilen tapawutlanyp, paýtagtymyzdaky bar bolan binalar bilen ajaýyp sazlaşygy emele getirýär. Ak mermere beslenen ak şäherimiziň haýsy künjegine barsaň, göz

29 Ýanwar 2021

Bäsleşik geçirildi

Berkarar döwletimiziň bagtyýarlyk döwründe, hormatly Prezidentimiziň baştutanlygynda, ähli ulgamlary döwrebaplaşdyrmak, kämilleşdirmek babatda başlangyçlar esasynda ýurdumyzda düýpli özgertmeler amala aşyrylýar. Gahryman Arkadagymyzyň «Türkmeniň döwletlilik ýörelgesi» atly kitabynda halypa-şägirtlik ýoly, dost-doganlyk gatnaşyklary, däp-dessurlarymyzyň milli özboluşlylygy hakynda ýatlamalar, taryhy gürrüňler, rowaýatlar, durmuş wakalary çeper beýan edilipdir.

29 Ýanwar 2021

Hakydada hemişelik galan

Uzak ýyllaryň dowamynda sahnada ynandyryjy keşpleri janlandyrandygyna garamazdan, artiste tanymallyk haýsy hem bolsa bir ajaýyp, üýtgeşik sungat eserini döredenden soň gelýär. Gürrüňini berjek bolýan sungat ussadymyza at-abraý, meşhurlyk kinorežissýor S.Garajaýewiň ýazyjy N.Jumaýewiň «Ýuwaş gelin» eseriniň esasynda 1970-nji ýylda surata düşüren «Ýuwaş gelin» çeper filminde döreden Maral ejäniň keşbi bilen bile geldi. Türkmenistanyň at gazanan artisti Aýsoltan Berdiýewanyň Maral ejesi öz maşgalasy, hojalygy bilen gümra bolup ýören, göwnaçyk, ynanjaň, şadyýan, emma şol bir wagtyň özünde-de gaharjaň, hojalykda sözüni gögerdýän zenan ýaly bolup görünse-de, filmiň ahyrynda aňyrsynda hiç zat ýok, ýüregi mähirden doly hamrak enäniň keşbi janlanýar. Haçan-da, Maral eje gelni bilen sözi azaşyp, sene-mene edende, «Oglum gelnime azar beräýmesin» diýip, öýdäki tene şikes ýetiräýjek zatlary ýygnaşdyranda, onuň öňi bilen mähriban enedigine göz ýetirýäris. Uly ogly Jemşidi öýerip, gelen gelne guwanyp, agtyk söýmek arzuwyndaky enäniň ynandyryjy keşbi tomaşaçylary özüne çekýär. Biz Maral ejäniň şäherden lukmançylyk ugrundan ýaňy ýokary okuw mekdebini tamamlap gelen gelnine kürte atynyp, işe gatnamak baradaky talaplarynyň nädogrudygyna düşünsegem, nämüçindir, birbada Maral ejä ýüregimiz awap, onuň tarapyny çalýarys, misli öz ejemiz şeýle güne düşen ýaly kabul edýäris. Bu näme üçin beýlekä

29 Ýanwar 2021

Saz-söhbede utgaşdy

Kaka etrabynyň Medeniýet öýünde saz-söhbede beslenen dabara geçirildi. «Türkmenistan — parahatçylygyň we ynanyşmagyň Watany» şygary astynda geçýän üstümizdäki şanly ýylyň çärelerine özboluşly badalga bolan dabarany etrap häkimligi, etrabyň medeniýet bölümi hem-de jemgyýetçilik guramalary bilelikde gurady. Oňa jemgyýetçilik guramalarynyň işgärleri we işeňňir agzalary, halk hojalygynyň dürli pudaklarynda zähmet çekýän ildeşlerimiz hem-de ýaşuly nesliň wekilleri gatnaşdy.

29 Ýanwar 2021

Opera— sungatymyzyň ýaraşygy

Türkmen halk döredijiligi özüniň köp görnüşliligi, ýordum köpdürlüligi taýdan örän baýdyr. Onda şadessanlar, dessanlar, rowaýatlar, ertekiler, matallar hem nakyllar bilen birlikde, halk aýdymsazlary hem birnäçe görnüşlere bölünýärler. Gadymdan galan nusgalary öwrenmek, baýlaşdyrmak hemme döwürdede örän derwaýys wezipedir. Şeýle hem, gadymy nusgalar öwrenilende, olar häzirki döwrümiziň talaplaryna laýyk öwrenilýär. Täze şertlere uýgunlaşdyrylyp, täze röwüş, öwüşgin berilýär. Muňa mysal hökmünde soňky ýyllarda Magtymguly adyndaky milli sazlydrama teatrynda gaýtadan we täze sahnalaşdyrylan «ŞasenemGaryp», «Görogly», «ÝusupZüleýha», «HüýrlukgaHemra», «Aşyk Çaňly» ýaly ölmezýitmez eserleri görkezmek bolar. Dessanlaryň esasynda döredilen operalar sungat eseri hökmünde has kämil, çylşyrymly çeper eserlerdir. Her bir sungat eserini aýdymlar, ariýalar, ariozalar, hor aýdymlary gözelleşdirýär. Olaryň her biriniň aňyrsynda durmuş owazyny, türkmen halkynyň ykbalynyň ýaňyny eşidýäris. Hor aýdymlary gözbaşyny gadymy grek teatryndan alyp gaýdýar. Orta asyrlarda, gaýtadan döreýiş eýýamynda we soňky ýüzýyllyklarda opera sungatynyň bütin dünýäde ösmegi bilen, hor aýdymlary hem tenor, soprano, bas sesli we ýüzlerçe adamly toparlara çenli ösdürilýär.

29 Ýanwar 2021

Düwmelere siňen duýgular

Toýa gelen myhmanlaryň öňünde akkordeon çalyp aýdym aýdyp duran, Türkmenistanyň halk artisti Mämi Çaryýewi diňläp duran on-on iki ýaşly Handurdy kakasy Jumadurdy mugallyma ýüzlenip: — Kaka, o bagşyň çalyp duran saz guralynyň ady näme? — diýdi. Kakasy gysga jogap berdi:

28 Ýanwar 2021

Kitap paýhasyňy durlaýar

Hormatly Prezidentimiziň halkymyza peşgeş beren ajaýyp eserleri bilim işgärleri üçin hem bahasyna ýetip bolmajak ýakyn gollanmadyr. Ýaşlary terbiýelemekde halkymyzyň ruhy we milli gymmatlyklaryndan, edebi mirasymyzdan ugur alynýar. Gahryman Arkadagymyzyň halkymyzyň gadymdan gelýän däp-dessurlaryndan, ynsanperwerlik ýol-ýörelgelerinden gözbaş alyp gaýdýan kitaplary ýaş nesliň döwrebap terbiýe almagynda uly ähmiýete eýedir. Hormatly Prezidentimiziň eserleri kalbyňy durlaýar, täze oýlanmalara, ahlak päklige, ruhy kämillige galkyndyrýar. Gahryman Arkadagymyzyň «Türkmen medeniýeti» kitabyndaky: «Özünde döwrüň ruhuny, milletiň çeper-aň ösüşiniň keşbini, sowulmaz ylahy ylhamyň köňül joşgunyny jemleýändigi, kalplara tämizlik çaýýandygy üçin, ylmyň, bilimiň, kitabyň gadyr-gymmaty ähli baýlykdan zyýatdyr» diýen jümleleri kitabyň gymmatynyň egsilmezdigini görkezýär.

28 Ýanwar 2021

Doglan günüňiz haýsy pasyl?

Dürli ýurtlaryň alymdyr psihologlary soňky ýyllarda geçiren barlaglaryna esaslanyp, ynsanyň doglan pasly, onuň häsiýetine, zehin-ukybyna täsir edýär diýen netijä gelipdirler. Alymlar munuň sebäbini bolsa, enäniň çaga dünýä inýänçä iýmitlenişine we çaganyň ilkinji aýlardaky saglyk ýagdaýyna bagly bolýandygy bilen düşündirýärler. Şu ýerde psihologlaryň gelen netijelerini size hödürleýäris. Gyş pasly — zehinli kişileriň pasly.

28 Ýanwar 2021

Sungatyň gudratly güýji

Myratgeldi aganyň gözüni açyp göreni dutar, eşidýäni şirin mukamlar, aýdymlardy. Agasy Rejep Rahmanowyň, obadaşy Öwlüýäguly bagşynyň bile saz çalyp aýdym aýtmaklary onuň sungat ýoluna düşmegine itergi berýär. Onuň döredijilik ýolundaky ilkinji ädimi çeper höwesjeňleriň çykyşynda «Jeýhunym» atly öz döreden aýdymyndan başlanýar. Jeýhun tolkunlarynyň owazyny çeper sözde, pelsepewi pikire ýugrulan inçe duýguly sazda beýan etmegi başaran aýdymçy, ony ýerine ýetirmekde-de ussatlygyny görkezýär. Bu üstünlik bagşynyň kalbyny joşduryp, ony hyjuwly zähmet çekmäge, döredijilikli işlemäge ruhlandyrýar.

28 Ýanwar 2021

‹
1
2
...
284
285
286
287
288
289
290
...
292
293
›