''Arkadagly ýaşlar" žurnaly

Esaslandyryjysy-Türkmenistanyň magtymguly adyndaky ýaşlar guramasy Salgysy: aşgabat ş.,garaşsyzlyk şaýoly; 104 Tel.:(993 12) 44-88-80; faks:44-88-94 Poçta salgysy: arkadaglyyashlar@gmail.com

Gazeti PDF görnüşinde ýükläp almak

Habarlar

Döwlet synaglary dowam edýär

Üstümizdäki şanly ýylda orta mekdepleri tamamlan uçurym ýaşlar şu günler gutardyş döwlet synaglaryny üstünlikli tabşyrýarlar. Ýeri gelende, 2023-2024-nji okuw ýylynda Gökdepe etraby boýunça bagtyýar ýaşlaryň 1 müň 830-synyň mekdep uçurymy bolandygyny aýratyn bellemek gerek. Häzirki döwlet synaglary olaryň durmuşynda aýratyn ähmiýete eýedir. 11-nji synpy tamamlan ýaşlar 1-nji iýunda türkmen dili we edebiýaty dersinden ilkinji döwlet synagyny üstünlikli tabşyrdylar. Bilim ojaklarynda döredilen giň şertler we mümkinçilikler synaglaryň guramaçylyk derejesine oňyn täsirini ýetirdi. Bagtyýar ýaşlar beýleki degişli dersler boýunça döwlet synaglaryny hem tabşyrýarlar. Bu synaglar olaryň ak mekdeplerde alan bilimlerini näderejede özleşdirendigini, şeýle-de zehin-başarnyklaryny ýüze çykarýar.

5 Iýun 2024

Jemgyýet

Buýsançly döwrümiz bar

“Pähim-paýhas ummany Magtymguly Pyragy” ýyly Watanymyzyň täze taryhyna şöhratly sahypalar bilen ýazyljak şanly wakalara baýdyr. Her bir günümiziň ykbal özgerdiji ösüşlerdir özgertmelere, ajaýyp üstünliklere beslenmegi hem şeýle diýmäge esas berýär. Ýurdumyzyň ösüşleri ildeşlerimiziň her biriniň watançylyk ruhuny belende göterip, päk we döredijilikli zähmete höwesini artdyrýar. Şeýle bolansoň, Watanymyzyň ähli ugurlarynda zähmet gadamlary barha batlanýar. Biz—jemgyýetçilik guramalarynyň wekilleri Arkadagly Gahryman Serdarymyzyň baştutanlygynda ýurdumyzda bolup geçýän ösüşleri we özgertmeleri, taryhy wakalaryň ähmiýetini ildeşlerimize baý many-mazmuny bilen düşündirmekde yhlasymyzy gaýgyrmaýarys. Şu günler etrabymyzyň çäginde guraýan duşuşyklarymyzyň barşynda ýurdumyzyň içeri we daşary syýasatynda gazanylýan üstünlikleri, hormatly Prezidentimiziň halkymyzyň we döwletimiziň abadançylygyna gönükdirilen giň gerimli, asylly işleriniň maksatlaryny hem-de wezipelerini ildeşlerimize düşündirýäris, wagyz edýäris. Galyberse-de, beýik akyldar şahyrymyz Magtymguly Pyragynyň doglan gününiň 300 ýyllygy, Änew şäheriniň 2024-nji ýylda “Türki dünýäsiniň medeni paýtagty” diýen derejäni göterýändigi bilen bagly täsirli çäreleri, şanly seneler mynasybetli baýramçylyk dabaralaryny guraýarys.

5 Iýun 2024

Jemgyýet

e.gov.tm portalynda Türkmenistanyň raýatlary üçin peýdaly bolan zerur maglumatlar bar

Türkmenistanyň e.gov.tm Döwlet hyzmatlar portaly raýatlara dürli resminamalary düzetmek we kepilnamalary almak üçin zerur bolan mümkinçiligi hödürleýär. Portalda Türkmenistanyň raýatynyň pasportyny, çaganyň dogluş hakyndaky şahadatnamasyny hem-de beýleki möhüm resminamalary almak üçin anyk gözükdirmeleri tapmak bolýar. Maglumatlar ulanyjylaryň döwlet edaralaryndan zerur bolan maglumatlary tiz tapmagyny göz öňüne tutup düzülendir.

5 Iýun 2024

Jemgyýet

Олег Кононенко стал первым в истории, кто провёл в космосе 1000 суток

5 июня 2024 года общее время пребывания в орбитальных полетах российского космонавта Олега Кононенко достигло 1 тысячи суток. Это новый рекорд в истории пилотируемой космонавтики. В настоящее время Кононенко находится на Международной космической станции (МКС) и совершает свой пятый полет в космос. «Сегодня в 00:00:20 по московскому времени космонавт Госкорпорации «Роскосмос» Олег Кононенко, работающий на Международной космической станции, впервые в мире набрал 1000 суток по суммарной длительности космических полетов», – говорится в сообщении Роскосмоса.

5 Iýun 2024

Jemgyýet

«Ertekiler dünýäsi» — dynç alşyň arzyly mekany

Çagalyk — ähli ynsanlary birleşdirýän bir bitewi düşünje. Şonuň üçinem bu ajaýyp döwrüň özboluşly duýgularyny bagyş edýän menzil-mekanlar ähli ýaşdaky, kärdäki adamlaryň aýratyn höwes bilen barýan ýeri bolmagynda galýar. «Pähim-paýhas ummany Magtymguly Pyragy» ýylynyň tomusky dynç alyş möwsümine paýtagtymyzyň seýilgähleridir medeni we söwda dynç alyş merkezleri-de ýokary taýýarlykly geldiler. Hususan-da, möwsümde merjen şäherimiziň merkezinde ýerleşýän, tapgyr-tapgyr nesliň çagalygyny ýada salyp duran «Ertekiler dünýäsi» täze hem ýokary hilli hyzmatlary bilen gapylaryny giňden açdy. Biziň ünsümiz Türkmenistanyň milli «Disneyland»-y hasaplanýan şol mesgeniň özboluşly dünýäsinde eglendi. Paýtagtymyzyň Garaşsyzlyk we A.Nyýazow şaýollarynyň çatrygyna golaý ýerleşýän 35 gektarlyk medeni-dynç alyş merkezinde açyk howadaky we içerdäki oýun attraksion düzümleri, köli, welosiped meýdançalary, seýilgäh zolaklary bolan köpugurly toplum hereket edýär. Merkeziň esasy girelgesi gadymy Gündogaryň gümmezli şäher derwezelerine çalymdaş bolup, göýä diýersiň, şol «Jadyly älemiň» başlangyjy ýaly garşy alýar. Onuň demirgazyk tarapyndan barsaň, dünýä medeniýetiniň genji-hazynasyna öwrülen gadymy şäherleriň binagärlik nyşanlary hasaplanýan özboluşly binalardyr desgalaryň diwar ýüzüne çekilen suratlaryny synlap geçýärsiň.

5 Iýun 2024

Jemgyýet

Ýaş nesliň kämil terbiýesi ugrunda

Çagalaryň ertirki güni hut olar baradaky alada, körpeleriň bagtyýar durmuşyny üpjün etmek baradaky tagallalara baglydyr. Şu günler ýurdumyzda tomus pasly dowam edýär. Umumybilim edaralarynyň okuwçylarynyň dynç alyş möwsümini gyzykly geçirmekleri, orta mekdepde alan bilimleriniň üstüni ýetirmekleri, ukyp-başarnyklaryny kämilleşdirmekleri üçin ajaýyp mümkinçilik berýän bu döwürde ýurdumyzdaky çagalar sagaldyş we dynç alyş merkezleriniň işi aýratyn bellenmäge mynasypdyr. Şypaly Gökderäniň sapaly künjeklerinde, «Awaza» milli syýahatçylyk zolagynda, welaýatlaryň ajaýyp tebigy ýerlerinde gurlup ulanmaga berlen sagaldyş we dynç alyş merkezleri tapgyrlaýyn esasda müňlerçe ýaş türkmenistanlylara tomusky möwsümiň gyzykly başdan geçirmelerini sowgat edýär. Watanymyzyň aýdyň geljeginiň eýeleriniň uly topary 2-nji iýunda 1-nji tapgyr boýunça çagalar sagaldyş we dynç alyş merkezlerine ugradyldy. Bilşimiz ýaly, merkezlerde oýun oýnamak, bedenterbiýe we sport bilen meşgullanmak üçin meýdançalar, tans zallary, kompýuter otaglary, el iş gurnaklary, teatr, şekillendiriş otaglary, kitaphanalar hereket edip, şadyýan çagalaryň kalbynda egsilmez joşgun we buýsanç duýgularyny döredýär. Türkmenistanyň Bilim, Medeniýet, Saglygy goraýyş we derman senagaty ministrlikleriniň, Bedenterbiýe we sport baradaky döwlet komitetiniň, jemgyýetçilik guramalarynyň bilelikdäki tagallalary esasynda, ýörit

5 Iýun 2024

Jemgyýet

Nesil aladasy mukaddesdir

Nesilleriň bagtyýar durmuşyny üpjün etmek dogrusyndaky alada halkymyzyň mukaddes ýörelgeleriniň biridir. Gahryman Arkadagymyzyň ynsanperwer başlangyjy bilen, 2021-nji ýylyň mart aýynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmegi, öz gazanjyndan ilkinji bolup bu gazna serişde goýmagy ýaş nesliň saglygy, sahawatly işleriň kök-pudak ýaýradyp, jemgyýetiň ýürek urgusyna öwrülmegi ugrunda alnyp barylýan abyrsyz işleriň bir bölegini görkezýär. Ösüp gelýän nesliň sagdynlygyny, bagtyýar durmuşyny üpjün etmäge goşant goşmak jemgyýetçilik işiniň möhüm bölegine öwrülip, döwlet tarapyndan goldaw berlende, bu ugurda nähili üstünlik gazanylýandygyny bu gaznanyň mysalynda görmek bolýar. Bu gazna Türkmenistanyň kanunçylygyna, halkara kada-kanunlara laýyklykda döredilen, degişli guramaçylyk, hukuk aýratynlyklaryna eýe bolan dünýäde şeýle derejeli ilkinji gaznadyr. Bu haýyr-sahawat gaznasynyň işi barha giň gerime eýe bolýar. BMG-niň Çagalar gaznasynyň (ÝUNISEF) Türkmenistandaky wekilhanasy tarapyndan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hemaýata mätäç çagalaryň saglygyny dikeltmäge lukmançylyk hyzmatlaryny bermäge we olaryň ýagty geljege bolan umytlaryny berkitmäge goşant goşandygy üçin degişli sertifikat bilen sylaglanandygy bu işleriň ähmiýetin

4 Iýun 2024

Jemgyýet

Şanly ýyla gymmatly sowgat

Düýn Änew şäherindäki Medeniýet öýünde «Magtymguly» atly täze kitabyň tanyşdyrylyş dabarasy boldy. Welaýat häkimligi tarapyndan guralan dabara welaýatymyzyň edara-kärhanalarynyň işgärleri, jemgyýetçilik guramalarynyň wekilleri, dili senaly ýaşulular, mährem eneler, köp sanly ýaşlar gatnaşdy. Medeniýet ojagynyň eýwanynda welaýat kitaphanasy tarapyndan guralan kitap sergisi bilen tanyşmakdan başlanan dabara täsirli çykyşlar bilen dowam etdi. Çykyş edenler Magtymguly Pyragynyň doglan gününiň 300 ýyllygynyň uludan toýlanýan ýylynyň “Pähim-paýhas ummany Magtymguly Pyragy” ýyly diýlip atlandyrylmagy, şanly ýylymyzda beýik akyldaryň edebi mirasyna bagyşlanan giň gerimli çäreleriň geçirilmegi halkymyzda buýsanç duýgusyny döredýändigi barada söz açdylar.

4 Iýun 2024

Jemgyýet

Çaga — durmuşyň güli

Ösen jemgyýetimizde, agzybir maşgalalarda, döwrebap mekdeplerdir çagalar baglarynda hem-de saglyk ulgamynda özara sazlaşykly, aýdyň maksatly işler alnyp barylýar. Bu hakykat Çagalary goramagyň halkara güni mynasybetli Ahal welaýat saglygy goraýyş müdirliginiň we welaýatyň jemgyýetçilik guramalarynyň bilelikde guramagynda, Ak bugdaý etrap hassahanasynda «Arkadagyň sahawaty — sagdyn nesliň dowamaty» diýen at bilen geçirilen dabaraly maslahatda hem aýdyň şöhlelendi. Çagalar baýramçylygyna bagyşlanyp, tomsuň ilkinji gününde geçirilen bu maslahat bagtyýar balalaryň keýpiçag gülküleri, şadyýan aýdym-sazlary hem-de dabaraly maslahata gatnaşyjylaryň täsirli çykyşlary bilen dowam etdi. Dabarada Ahal welaýat saglygy goraýyş müdirliginiň baş çaga lukmany Ogulsuraý Ýazdurdyýewanyň, Ak bugdaý etrap hassahanasynyň Gämi şahamçasynyň müdiri Nurmuhammet Otuzowyň eden çykyşylary has-da täsirli boldy. Çykyşlarda bellenilişi ýaly, Berkarar döwletiň täze eýýamynyň Galkynyşy döwründe Garaşsyz Watanymyzda Arkadagly Gahryman Serdarymyzyň başda durmagynda saglygy goraýyş ulgamynda ýetilýän belent sepgitler, sagdyn durmuşy kemala getirmek, ruhubelent, berk bedenli, hemmetaraplaýyn sagdyn ýaş nesli terbiýeläp ýetişdirmek ugrundaky işler, durmuşa geçirilýän özgertmeler we gazanylýan netijeler ýylsaýyn ýokarlanýar. Halkyň jan saglygy baradaky aladany döwlet syýasatynyň derejesinde alyp barýan, aýratyn hem

4 Iýun 2024

Jemgyýet

Bagtyýar nesliň alkyş kelamy

Bagtyýarlygyň mekany bolan güneşli Diýarymyzda Çagalary goramagyň halkara güni mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan yglan edilen «Biz — Arkadag Serdarly Watanyň bagtyýar nesilleri» atly döredijilik bäsleşiginiň jemi jemlenip, ýeňijiler sylaglandy. Iki tapgyrda geçen döredijilik bäsleşigine surat çekmegi halaýan zehinli çagalaryň müňden gowragy surat eserleri bilen gatnaşdy. Ýaş suratkeşler bäsleşige hödürlän eserlerinde çagalygyň bagtyýar, şadyýan dünýäsini, ata Watanymyza bolan söýgüsini, ýurdumyzyň tebigy gözelliklerini, halkymyzyň şan-şöhratyny dünýä ýaýan milli gymmatlyklarymyzy, agzybir ilimiziň toý-baýramlarynyň asylly däp-dessurlaryny ussatlyk bilen suratlandyrmagy başardyrlar. Döredijilik bäsleşigine welaýatymyzdan hem zehinli ýaş suratkeşler gatnaşyp, baýrakly orunlary eýelemegi başardylar. Biz hem öz gezegimizde zehinli çagalary gazanan üstünlikleri bilen gutlap, olaryň ýürek buýsançlaryny okyjylarymyza ýetirmegi makul bildik:

4 Iýun 2024

Jemgyýet

Biz — bagtyýar çagalar

Şeýle at bilen Gökdepe etrabynyň «Gala» medeni-dynç alyş merkezinde Çagalary goramagyň halkara güni mynasybetli dabara geçirildi. Ony etrap häkimligi, Maýyplary goldamak merkezi, Türkmenistanyň Gyzyl Ýarymaý Milli jemgyýetiniň etrap bölümi hem-de etrabyň jemgyýetçilik guramalary bilelikde gurady. Baýramçylyk dabarasy çagalara egsilmez şatlyk eçildi. Naz-nygmatly toý suprasynyň başyna jem bolan bagtyýar çagalar aýdym-sazly çykyşlary şowhunly garşyladylar. Ýaşajyk aýdymçylar, çagalar döredijilik toparlary sungat çykyşlarynda güneşli Diýarymyzyň, bagtyýar çagalygyň waspyny uly joşgun bilen ýetirdiler.

4 Iýun 2024

Jemgyýet

Welosipedli ýörişiň ruhubelentligi

Ýurdumyzda giňden bellenilen Bütindünýä welosiped gününiň çäginde welaýatymyzda ýaýbaňlandyrylan köpçülikleýin sport, bedenterbiýe-sagaldyş we medeni çäreler giň gerime eýe boldy. Şanly senä bagyşlanan çäreler welosipedli ýörişden başlandy. Welaýat derejesindäki esasy köpçülikleýin welosipedli ýöriş Änew şäheriniň çäginde geçirildi. Oňa gatnaşmaga höwes edenler günüň ir säherinde paýtagtymyzyň halkalaýyn aýlaw ýolunyň welaýat merkezinden geçýän ýerine ýygnandylar. Bu ýerde toý ruhy, şatlyk-şagalaň höküm sürdi. Kalby joşgunly bagtyýar ildeşlerimiz aýdym-sazly çykyşlary, sporty we sagdyn durmuşy wagyz edýän tomaşalary synlanlaryndan soňra, welosipedli ýörişe başlap, Änew şäherine sary ýola düşdüler.

4 Iýun 2024

Jemgyýet

Gyz ýüreginiň sedasy

Wagt bize durmuşyň çak edişimizden has çylşyrymlydygyny görkezýär. Maşgalada gyz edebi hakyndaky öwüt-ündewlerden gulagymyz ganyp ulalýan-da bolsak, hökmürowan wagtyň geçmegi bilen henizler hem öwrenmeli zatlarymyzyň kändigine düşünýäris. Hut şonuň üçin hem gyzlyk dünýäsi, gyzyň syr sandygyna öwrülýän ýüregi hakyndaky oý-pikirlerimi ak kagyza geçirip, ony okyjylar bilen paýlaşmagy makul bildim. Soňky günler nämüçindir öz-özüm bilen söhbetdeş bolmagy halaýaryn. Syr alyp, syr bermäge aýal doganlarymdyr joralarymyň bardygyna garamazdan, özüm bilen sowal-jogap alyşsam edýän pikirlerimi çekinmezden akyl terezisi bilen ölçäp bilýärin. Has dogrusy, göwnüm bilen geňeşýärin. Okamagy halaýandygym üçin döwrümiziň ýazyjy-şahyrlarynyň eserlerinde adamyň ýüreginiň akyly bilen sazlaşykly işlemeýändigi, akyl bilen ýüregiň ylalaşyp bilmeýändigi hakyndaky ýazylanlara kän gabat gelýärdim. Men munuň hakykatdan hem şeýledigine soň düşünip galdym. Ýazyjy-şahyrlar söýginiň hökmürowandygy, ýüregiňe erk edýändigi, onuň akyla gulak asmaýandygy hakynda ýazsalar ozallar bu pikir bilen ylalaşyp bilmeýärdim. Emma, söýgi hakykatdan hem ýüregiň erkini eliňden almaga dalaş edýän eken.

4 Iýun 2024

Jemgyýet

Salam, tomus!

Arkadagly Gahryman Serdarymyz tomusky dynç alyş möwsüminde mekdep okuwçylarynyň wagtyny gyzykly, şadyýan, peýdaly geçirmegini we saglygyny berkitmegini üpjün etmek bilen baglanyşykly tabşyryklaryndan ugur alnyp, Ahal welaýatynda degişli taýýarlyk işleri ýerine ýetirildi hem-de welaýat häkimliginiň garamagyndaky çagalar dynç alyş we sagaldyş merkezleri tomsuň ilkinji günlerinden bagtyýar nesliň wekillerine gapylaryny giňden açdy. Mekdep okuwçylaryny çagalar dynç alyş we sagaldyş merkezlerine ugradyş dabaralary ruhubelentlik ýagdaýynda geçdi. Änew şäheriniň «Buýsanç» çagalar medeni-dynç alyş seýilgähiniň hem-de Kaka etrabynyň Medeniýet öýleriniň öňündäki meýdançalarda ýaýbaňlandyrylan dabaralar mekdep okuwçylaryny degişlilikde Gökderedäki «Bagtyýar nesiller», Hywaabat jülgesindäki «Ýaşyl ýaýla» çagalar dynç alyş-sagaldyş merkezlerine ugratmagynyň şanyna geçirildi. Çagalara egsilmez şatlyk paýlan dabaralarda çykyş edenler hormatly Prezidentimiziň bimöçber aladalary netijesinde bu gün ýurdumyzyň ýaş nesliniň eşretli durmuşyň hözirini görüp, bagtyýarlykda ýaşaýandygy, olaryň tomusky dynç alyş möwsümlerinde wagtyny şadyýanlykda, manyly geçirmekleri, saglygyny berkitmekleri ugrunda uly şertlerdir mümkinçilikleriň döredilýändigi barada guwanç bilen belläp geçdiler.

4 Iýun 2024

Jemgyýet

Saglyk — baş baýlyk

Ýakynda Kaka etrabynyň Medeniýet öýünde bilim we saglygy goraýyş ulgamlarynyň, beýleki edara-kärhanalaryň işgärleriniň gatnaşmagynda keselleriň öňüni almak, sagdyn durmuş ýörelgesini ündemek maksady bilen wagyz-nesihat maslahaty geçirildi. Ony Türkmenistanyň Kärdeşler arkalaşyklarynyň etrap birleşmesi hem-de etrabyň arassaçylyk we keselleriň ýaýramagyna garşy göreşmek gullugy bilelikde gurady. Maslahatda ýurdumyzda ynsan saglygy ugrunda edilýän aladalar dogrusynda söz açylyp, iýmit zäherlenmesiniň öňüni almak bilen bagly gürrüňe aýratyn üns çekildi. Bellenilişi ýaly, ilatymyzy dürli ter gök we beýleki azyk önümleri bilen üpjün etmekde uly tagallalar edilýär. Şeýle-de bolsa, dürli önümlerden iýmit zäherlenmesiniň ýüze çykýan halatlaryna duş gelinýär. Iýmit zäherlenmesiniň adam saglygy üçin iň howplusy botulizm keselidir. Botulizm keseliniň öňüni almakda iýmit önümlerini talabalaýyk saklamak, gök önümleri öý şertlerinde gaplananda taýýarlanyş usullaryny doly we dogry berjaý etmek esasy talaplaryň biri bolup durýar.

4 Iýun 2024

Jemgyýet

Düýe etinden taýýarlanýan tagamlar

Düýe eti arzan we ýokumly azyk önümidir. Biziň ýurdumyzda düýe etini öndürmek we azyk önümçiliginde ulanmak giňden ýaýrap, ol goýun ýa-da sygyr etinden kem saýylmaýar. Ýaş, gurat düýeleriň eti hili boýunça sygryňkydan pes däldir. Düýe etiniň energiýa ýokumlylygy olaryň semizlik derejesine bagly bolýar. Düýeler örküçlerinde 100 — 150 kilograma çenli ýag ýygnamaga ukyply hasaplanylýar. Olary ete soýmak üçin iň oňaýly wagt 2 ýaş 8 aý hasaplanylýar. Şonda olaryň diri agramy 520 kilograma çenli, läşiniň arassa çykymy 60 — 63 göterime ýetýär. Banda (Hausa) — bu tagamy taýýarlamakda düýe etini bölekläp, güneşde guradyp, soňra açyk ýanýan oduň üstünde tüsse bilen kakadýarlar.

4 Iýun 2024

Jemgyýet

Düzgünleri berjaý edeliň!

Dowardarçylygyň esasy ot-iým binýady öri meýdanlarydyr. Öri meýdanlarynyň ösümlik dünýäsi dürli görnüşli bolup, olaryň käbir görnüşi ir ýetişip, tomusda gurap başlaýar we howanyň gyzyp başlamagy bilen, öri meýdanlarynda ýangyn döremek howpy ýüze çykýar. Öri meýdanlarynda ot ýakylmazdan öň, on bäş metr daş-töweregi guran ot-çöplerden topraga çenli arassalamaly, soňra ýarym metr çuňlukda gazylan oý ýer taýýarlanyp, oduň daş-töwerege ýaýramazlygyna göz ýetirilenden soň, howanyň şemalsyz wagty ot ýakmaga rugsat berilýär. Ot ýakylyp bolnandan soň, oňa suw sepip ýa-da üstüne gum sürüp, ody doly söndürmeli. Otdan uçgunyň çykmaýandygyna doly göz ýetirip, düşelge ýerinden gitmek bolar. Awtoulaglaryň sürüjileri öri meýdanlarda awtoulag sürenlerinde, onuň tüsseçykaryndan uçgunyň guran ot-çöplere düşmegi bilen ýangynyň döremeginiň ähtimaldygyny ýatdan çykarmaly däldirler. Şonuň üçin öri meýdanlaryna gidýän awtoulaglary ilkinji ýangyn söndüriş serişdeleridir enjamlar bilen üpjün etmeli.

4 Iýun 2024

Jemgyýet

Durmuşymyzyň gül-gunçalary

Hormatly Prezidentimiziň taýsyz tagallasy netijesinde il-ýurt bähbitli işler, beýik özgertmeler amala aşyrylyp, çagalaryň eşretli durmuşyň hözirini görüp, bagtyýar ýaşamagy üçin ähli şertler döredilýär. Türkmenistanda maşgala, eneler we çagalar döwlet tarapyndan goralýar. Gahryman Arkadagymyzyň, Arkadagly Gahryman Serdarymyzyň Watanymyzyň röwşen geljegi bolan çagalaryň ýaşaýşy, durmuş taýdan goraglylygy, ruhy taýdan sagdyn ösüşi, bagtyýar durmuşda ýaşamagy, döwrebap bilim almagy, watansöýüjilik we ynsanperwerlik ruhunda terbiýelenmegi barada edýän taýsyz tagallalary özüniň oňyn netijelerini berýär. Häzirki wagtda bagtyýar çagalar sapaly tomus möwsüminde dynç alýarlar. Çagalaryň wagtlaryny hoş geçirmekleri üçin iň döwrebap dynç alyş merkezleri hereket edýär. Munuň özi olaryň sagdyn ösmegine ýardam berýär. Diýarymyzda çagalaryň bagtyýar durmuşyny üpjün etmek boýunça alnyp barylýan işleriň çäklerinde ýurdumyzyň milli kanunçylygy hem yzygiderli kämilleşdirilýär. Türkmenistan Birleşen Milletler Guramasynyň Çaganyň hukuklary hakynda Konwensiýasyna we onuň teswirnamalaryna sebitde ilkinjileriň hatarynda goşulmak bilen, ýaş nesil babatda döwlet syýasatyny hem-de milli kanunçylygyny bu halkara resminamalaryň talaplaryna laýyklykda kämilleşdirdi. Ýurdumyzda çaganyň hukuklarynyň pugta kanunçylyk binýady kemala getirildi.

4 Iýun 2024

Jemgyýet

Çagalaryň dynç alşy şatlyga beslenýär

Gökderede dynç alýan çagalaryň her bir gününi uly ruhubelentlige beslemek maksady bilen bu ýerdäki merkezlerde ýörite meýilnamalar taýýarlanyldy. Muhammetmyrat Nyýazow adyndaky çagalar dynç alyş we sagaldyş merkeziniň terbiýeçi mugallymlary hem öz işlerini meýilnama laýyklykda guraýarlar. Merkezde 300-den gowrak çaga dynç almaga amatly şertler bar. Bu ýerde dört bina, daşky howuz, kinozal, amfiteatr bolup, ol ýerde çagalar wagtlaryny şadyýan geçirýärler. Çagalaryň sport bilen meşgullanmaklary üçin basketbol, woleýbol, tennis meýdançalary hem bar. Bu ýerde kompýuter, surat, sport gurnaklary hem hereket edýär. Kitaphana otagy hem çagalar üçin niýetlenendir. Bu merkezde çagalaryň ýaş aýratynlyklary boýunça 10 sany topar döredildi. Ol toparlaryň hatarynda «Begler», «Ýeňiş», «Bürgütler», «Diýar», «Türgenler» ýaly toparlary bellemek bolar. Merkezde işleri sazlaşykly alyp barmakda terbiýeçi mugallymlaryň çagalar bilen dil tapyp, şadyýan wagt geçirmekleri üçin ähli tagallalar edilýär. Merkeziň uly mugallymy Mähri Myradowa terbiýeçi mugallymlara we olaryň kömekçileri bolan talyplara ýakyndan ýardamçy bolup durýar.

4 Iýun 2024

Jemgyýet

Tebigata söýgi – ekologiýa abadançylygy

Ýakynda Daşky gurşawy goramagyň bütindünýä güni mynasybetli Aba Annaýew adyndaky Halkara atçylyk akademiýasynda «Ekologiýa medeniýeti — tebigatyň gözelligi» atly maslahat geçirildi. Türkmenistanyň Agrar partiýasynyň Arkadag şäheriniň komitetiniň, Arkadag şäheriniň Daşky gurşawy goramak müdirliginiň hem-de Aba Annaýew adyndaky Halkara atçylyk akademiýasynyň bilelikde guramaklaryndaky bu maslahata mugallymlar we talyp ýaşlar, jemgyýetçilik guramalarynyň wekilleri gatnaşdylar.

4 Iýun 2024

Jemgyýet