''Arkadagly ýaşlar" žurnaly

Esaslandyryjysy-Türkmenistanyň magtymguly adyndaky ýaşlar guramasy Salgysy: aşgabat ş.,garaşsyzlyk şaýoly; 104 Tel.:(993 12) 44-88-80; faks:44-88-94 Poçta salgysy: arkadaglyyashlar@gmail.com

Gazeti PDF görnüşinde ýükläp almak

Habarlar

Türkmen halkynyň Milli Lideri, Türkmenistanyň Halk Maslahatynyň Başlygy Arkadag şäherine iş saparyny amala aşyrdy

7-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäheri boýunça iş saparyny amala aşyryp, şäheri ösdürmegiň nobatdaky tapgyrynda gurulmagy meýilleşdirilýän binalaryň şekil taslamalary, olaryň bezeg aýratynlyklaryna degişli maglumatlar bilen tanyşdy hem-de degişli ýolbaşçylaryň gatnaşmagynda iş maslahatyny geçirdi. Gahryman Arkadagymyzyň başlangyjy we yzygiderli tagallasy bilen binýat bolan täze şäherde ähli ugurlar boýunça alnyp barylýan işleriň depgini barha güýçlenýär. Munuň özi sazlaşykly ösüş ýoluna düşen döwrebap şäherde giň möçberli şähergurluşyk-binagärlik maksatnamasynyň üstünlikli durmuşa geçirilýändiginiň aýdyň beýanydyr.

8 Oktýabr 2024

Garaşsyzlyk

Türkmenistanyň Döwlet howpsuzlyk geňeşiniň mejlisi

5-nji oktýabrda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Mejlisiň gün tertibine harby we hukuk goraýjy edaralaryň şu ýylyň ýanwar — sentýabr aýlarynda ýerine ýetiren işleriniň netijeleri, Garaşsyz Türkmenistanda howpsuzlygy, parahatçylygy üpjün etmek, bu düzümleriň maddy-enjamlaýyn binýadyny pugtalandyrmak, olaryň işini mundan beýläk-de kämilleşdirmek bilen bagly meseleler girizildi. Ilki bilen, Döwlet howpsuzlyk geňeşiniň sekretary, goranmak ministri B.Gündogdyýew hasabat döwründe ýolbaşçylyk edýän düzümlerinde alnyp barlan işleriň netijeleri, ýurdumyzyň goranyş ukybyny pugtalandyrmak, Ýaragly Güýçlerimiziň serkerdeler düzüminiň hünärini ýokarlandyrmak boýunça görülýän çäreler barada hasabat berdi. Şeýle hem harby gullukçylaryň gullugy, ýaşaýyş-durmuşy üçin döredilýän şertler, çagyryş boýunça harby gullugy geçýän harby gullukçylary harby gullukdan boşatmak we harby gulluga çagyrmak babatda geçirilýän işler barada aýdyldy.

8 Oktýabr 2024

Garaşsyzlyk

Ylym ulgamyny ösdürmegiň strategiýasy: bilim-ylym-önümçilik sazlaşygy bilen belent sepgitlere

Ýakynda, has takygy 24-nji sentýabrda ýokary guramaçylyk derejesinde geçirilen Türkmenistanyň Halk Maslahatynyň mejlisinde Berkarar döwletiň täze eýýamynyň Galkynyşy döwründe ýurdumyzyň durmuş-ykdysady ösüşiniň wajyp ugurlary ara alnyp maslahatlaşyldy we il bähbitli, döwletli çözgütler kabul edildi. Döwlet Baştutanymyzyň geljekki ösüşlere gönükdirilen maksatnamalaýyn resminamalaryň hatarynda “Türkmenistanda ylym ulgamyny ösdürmegiň 2024 — 2052-nji ýyllar üçin Strategiýasyny” hem tassyklamagy ylym ulgamynyň işgärleridir alymlar üçin buýsandyryjy waka boldy. Hormatly Prezidentimiziň Halk Maslahatynyň mejlisinde eden çykyşynda nygtaýşy ýaly, ýurdumyzyň ylym ulgamynda ylmy barlaglaryň we täze tehnologiýalaryň netijeliligini ýokarlandyrmak boýunça köp işler ýerine ýetirildi. Ylmyň, tehnikanyň örän çalt depginlerde ösmegi, täze tehnologiýalaryň döremegi bilim edaralarynda okatmagyň usulyýetini kämilleşdirmegi talap edýär. Gahryman Arkadagymyzyň, Arkadagly Gahryman Serdarymyzyň yzygiderli tagallalary netijesinde ýurdumyzy ylym we sanly tehnologiýalar esasynda senagatlaşdyrmak, ýokary tehnologiýalary, innowasiýalary döretmek hem-de olary önümçilige ornaşdyrmak maksady bilen alnyp barylýan işler bilimiň, ylmyň, önümçiligiň sazlaşygyny üpjün etmegi nazarlaýar. Ýurdumyzda ylym ulgamyny ösdürmek, düýpli ylmy-nazary, ylmy-amaly barlaglary geçirmek, öňdebaryjy tehnologiýalary d

8 Oktýabr 2024

Garaşsyzlyk

Kesbinden kemal tapan halypa

Ussat heýkeltaraş Saragt Babaýew «Türkmenistanyň Gahrymany» diýen belent adyň eýesi boldy Yhlasyny, ykbalyny sungata bagyş edenleriň ykrary-da başgaça. Ol ykrar, halkyň kalbyndaky hormat-söýgüden başlanyp, ýurt, döwlet derejesine çenli göterilýär, hatda ondan-da belentlige sary ýol salýar. Şeýle ajaýyp ykrara mynasyp bolmak üçin geçilmeli synagdan doly ýollar hem üýtgeşik. Ol ýollarda duş gelýän ynsanlar, şaýat bolunýan pursatlar, başdan geçirilýän wakalar... bularyň ählisi beýik bir ömrüň taryhyny ýazýar, ol ömrüň eýesiniň adyny ebedileşdirýär. Ýurdumyzyň mukaddes Garaşsyzlygynyň şanly 33 ýyllyk toýunyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisiniň barşynda Türkmenistanyň Suratkeşler birleşiginiň agzasy, erkin suratkeş, ussat mugallym Saragt Babaýewe Türkmenistanyň iň ýokary tapawutlandyryş derejesiniň — «Türkmenistanyň Gahrymany» diýen belent adyň dakylmagy ussat heýkeltaraşa tüýs ýürekden hormat goýýan halkymyzda uly buýsanç duýgusyny döretdi.

7 Oktýabr 2024

Garaşsyzlyk

Döwlet sylagy ýokary ynamy ödemäge borçlandyrýar

Türkmenistanyň Garaşsyzlygynyň 33 ýyllygynyň öňüsyrasynda dürli pudaklaryň wekilleri ýokary döwlet sylaglary bilen sylaglandy. Olaryň hatarynda ýurdumyzyň ýangyç-energetika toplumynyň işgärleri hem bar. Allaberdi HALMYRADOW,«Türkmengaz» döwlet konserniniň Ylmy-barlag tebigy gaz institutynyň direktorynyň gaztehnologiýa işleri boýunça orunbasary, «Watana bolan söýgüsi üçin» medalynyň eýesi:

7 Oktýabr 2024

Garaşsyzlyk

Bedew bilen ýeňişler rowan

«Pähim-paýhas ummany Magtymguly Pyragy» ýylynyň 28-nji sentýabrynda hormatly Prezidentimiz Arkadagly Gahryman Serdarymyzyň gatnaşmagynda Garaşsyzlyk gününiň şanyna Halkara ahalteke atçylyk sport toplumynda baýramçylyk dabaralary geçirildi. Köpetdagyň gözel künjeginde ýerleşýän bu toplumda dürli aralyga çapyşyklaryň 7-si geçirildi. Ilkinji üç çapyşykda üçýaşar atlar 1 müň 600 metr aralykda bäsleşdi. Şolardan ikinji çapyşykda üçünji derejeli çapyksuwar Y.Saparow «Türkmengaz» döwlet konserniniň «Bäherden» atçylyk hojalygyna degişli bolan Gülbahar atly mele aty bilen 1 minut 51,6 sekunt netije görkezip, ynamly ýeňiş gazandy. Şanly Garaşsyzlygymyza bagyşlanyp geçirilen baýramçylyk çapyşygynda gazanylan bu ýeňiş ýurdumyzyň nebitgazçylarynyň ýüreklerini joşduryp, şatlyk-şowhunlaryny has-da artdyrdy. Ussat çapyksuwar Y.Saparow uly toýdan serpaýly bolmagyň, şeýle hem hormatly Prezidentimiziň hut özüniň tomaşa etmeginde gazanylan ýeňşiň özi üçin uly mertebedigini buýsanç bilen belleýär. Ýaş çapyksuwaryň bellemegine görä, şeýle ajaýyp günler, eşretli durmuş, eziz Diýarymyzyň okgunly ösüşi, ýetilýän sepgitler behişdi bedewlerimiziň tizligi, ýyndamlygy we arassa gylyk-häsiýetleri bilen baglanyşdyrylýar. Şonuň üçin hem bedew bady bilen ösýän-özgerýän Watanymyzda her bir şanly senäniň, toýdur baýramlaryň at çapyşyklary bilen utgaşyp gitmegi örän buýsandyryjydyr. Türkmen aga «At çapmaz, bagt ç

7 Oktýabr 2024

Garaşsyzlyk

Lowurdap dur Arkadagyň şäheri

«Wena baly» diýlende, göz öňüňde bezegi özüne ýetik giň meýdançada wals tansyny edip ýören bagtyýar jübütler janlanýar. Bu bal — Wena baly özüniň gözbaşyny geçen asyrdan, ýagny 1935-nji ýyldan alyp gaýdýar. Biziň ýurdumyz hakynda aýdanyňda bolsa, ony Gahryman Arkadagymyzyň ýurt Baştutany hökmünde 2008-nji ýylda Wena bolan sapary bilen baglanyşdyryp bolar. Çünki şol ýylda döredijilik işgärlerinden ybarat bolan topar, has dogrusy, sungat ussatlarymyz Wenanyň belli konsert köşgünde çykyş edip, ýurdumyzyň abraýyny belende göteripdiler. Ýewropada ilkinji gezek ýaňlanan halk sazlarydyr mukamlar medeni gatnaşyklaryň täze sahypasyny açdy. Şonuň esasynda-da, gatnaşyklar berkäp, 2009-njy ýylyň maý aýynda mermer paýtagtymyzyň iň gözel ýerleriniň birinde türkmen-awstriýa orkestriniň ilkinji konserti geçirilip, ol ýola goýlan medeni gatnaşyklaryň hasam berkemegine getirdi. 2011-nji ýylyň sentýabrynda bolsa ilkinji Wena baly geçirilip, onuň watany hasaplanýan Awstriýa bilen medeni gatnaşyklaryň ösýändiginiň güwäsi boldy. Bu bal hakynda Gahryman Arkadagymyzyň:

7 Oktýabr 2024

Garaşsyzlyk

Arzuwlan zamanaň geldi, Pyragy!

Garaşsyz, baky Bitarap Watanymyzda Magtymguly Pyragynyň köptaraply

7 Oktýabr 2024

Garaşsyzlyk

Geňeşli ýollar — güneşli ýollar

Häzirki döwürde Halk Maslahaty Türkmenistanyň Konstitusiýasyna laýyklykda hereket edýän halk häkimiýetiniň ýokary wekilçilikli edarasy bolmak bilen, döwürleriň aýrylmaz baglanyşygyny hem-de nesilleriň dowamatlygyny, Garaşsyz, baky Bitarap Watanymyzyň gadymydan gelýän demokratik ýörelgelere, saýlap alan döredijilikli ýoluna ygrarlydygyny alamatlandyrýar. Durmuşynyň iň möhüm meseleleri Watanymyzyň mukaddes Garaşsyzlygynyň 33 ýyllygynyň öňüsyrasynda, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň nobatdaky mejlisinde geçirilen milli forumda ara alnyp maslahatlaşyldy. Bu taryhy waka öwrülen umumymilli forumyň gün tertibinde ýurdumyzy mundan beýläk-de okgunly ösdürmäge, halkymyzyň abadan we bagtyýar durmuşyny üpjün etmäge gönükdirilen düýpli özgertmeleri amala aşyrmagyň ileri tutulýan wezipeleri orun aldy. Şunuň bilen baglylykda, Türkmenistanyň Halk Maslahatynyň mejlisiniň esasy maksady gazanylan taryhy üstünliklere syn bermekden, uzakmöhletleýin wezipeleri kesgitlemekden we özygtyýarly döwletiň gazananlaryny berkitmekden ybarat boldy. Halk Maslahatynyň mejlisine ýurdumyzyň Hökümetiniň we Milli Geňeşiň agzalary, ministrlikleriň, pudaklaýyn dolandyryş edaralaryň, syýasy partiýalaryň, jemgyýetçilik guramalarynyň ýolbaşçylary, welaýatlaryň, etraplaryň, şäherleriň häkimleri, ha

7 Oktýabr 2024

Garaşsyzlyk

Aziýanyň göwher gaşy Aşgabat

parahatçylyk söýüjiligiň, dost-doganlygyň, döredijilikli başlangyçlaryň şäheri Agzybirliginden we jebisliginden egsilmez döwlet tapýan merdana, zähmetsöýer halkymyz mukaddes Garaşsyzlygymyzyň şanly 33 ýyllygyny giňden baýram etdi. Bu ajaýyp baýramçylygyň öňüsyrasynda gazetimiziň degişli sanlarynda ýörite sahypalary taýýarlap, ýurdumyzyň welaýatlarynda hem-de onuň barha özgerýän täze, nowjuwan sebitinde — Arkadag şäherinde şu ýylyň dowamynda geçirilen dürli çäreler, bitirilen işlerdir gazanylan üstünlikler bilen okyjylary giňişleýin tanyşdyrypdyk. Ynha, bu gün bolsa dünýäniň nazaryny ýene-de Türkmenistana gönükdirjek möhüm wakalaryň öňüsyrasynda şeýle sahypalaryň özboluşly jemlemesi hökmünde «Pähim-paýhas ummany Magtymguly Pyragy» ýylynda Aziýanyň dür-merjeni ak mermerli paýtagtymyz Aşgabadyň durmuşynda bolup geçen käbir wakalara, halkymyzyň bähbitlerine gönükdirilen beýik işlere okyjylaryň dykgatyny ýaňadan çekmegi göwnejaý bildik.

7 Oktýabr 2024

Garaşsyzlyk

Ar­ka­dag şä­he­rin­de Halk Mas­la­ha­ty­nyň mej­li­si­niň jem­le­ri­ne we äh­mi­ýe­ti­ne ba­gyş­la­nan maslahat geçirilidi

«7/24.tm»: №41 (228) 07.10.2024 Ar­ka­dag şä­he­ri­niň hä­kim­li­gin­de «Halk Mas­la­ha­ty­nyň ta­ry­hy mej­li­si we Mil­li Li­de­ri­mi­ziň yl­ha­my — döw­let­li­li­giň da­ba­ra­lan­ma­sy» at­ly mas­la­hat ge­çi­ril­di. Bu maslahat ata Wa­ta­ny­my­zyň be­ýik Ga­raş­syz­ly­gy­nyň 33 ýyl­ly­gy­nyň öň­ýa­nyn­da paý­tag­ty­myz­da Gah­ry­man Arka­da­gy­my­zyň baş­lyk­lyk et­me­gin­de we hor­mat­ly Pre­zi­den­ti­miziň gat­naş­ma­gyn­da uly üs­tün­lik­le­re bes­le­nip ge­çen Halk Mas­la­ha­ty­nyň no­bat­da­ky mej­li­si­niň jem­le­ri­ne hem-de ola­ryň äh­mi­ýe­ti­ni wa­gyz et­mä­ge ba­gyş­lan­dy.

6 Oktýabr 2024

Garaşsyzlyk

Dostlarymyzdan sowgat

«7/24.tm»: №41 (228) 07.10.2024 Mil­li se­ne­na­ma­my­zyň iň naý­ba­şy baý­ram­çy­ly­gy — Ga­raş­syz­lyk gü­ni tu­tuş ýur­du­myz­da giň ge­rim­de bel­le­nil­di. Il-ul­su­myz bi­len bir­lik­de dün­ýä jem­gy­ýet­çi­li­gi hem bu baý­ra­myň şat­ly­gy­na go­şul­dy. Soň­ky ýyl­lar­da dost­luk­ly döw­let­ler­de iri şä­her­le­riň be­lent baş­ly bi­na­la­ry­ny Türk­me­nis­ta­nyň döw­let Tu­gu­nyň ýal­kym saç­ýan şe­ki­lin­de be­zäp, türk­men hal­ky­ny mil­li baý­ra­my bi­len gut­la­mak asyl­ly dä­be öw­rül­di. 27-nji sent­ýabr­da bel­le­ni­len Ga­raş­syz­ly­gy­my­zyň 33 ýyl­ly­gy my­na­sy­bet­li bu däp Rus­si­ýa Fe­de­ra­si­ýa­syn­da, Tür­ki­ýe Res­pub­li­ka­syn­da do­wam et­di­ril­di.

6 Oktýabr 2024

Garaşsyzlyk

Ga­raş­syz­lyk — bag­tyň ga­na­ty

«7/24.tm»: №41 (228) 07.10.2024 Eziz Wa­ta­ny­myz Ar­ka­dag­ly Gah­ry­man Ser­da­ry­my­zyň pa­ra­sat­ly baş­tu­tan­ly­gyn­da be­ýik ösüş­ler, uly üs­tün­lik­ler we uly öz­gert­me­ler bi­len öňe bar­ýar. Ga­raş­syz­lyk baý­ra­my eziz ýur­du­my­zyň we türk­men hal­ky­my­zyň özyg­ty­ýar­ly­ly­gy­ny, asu­da­ly­gy­ny, pa­ra­hat­ly­gy­ny we ber­ka­rar­ly­gy­ny ala­mat­lan­dyr­ýan baý­ram­dyr. Bu aja­ýyp baý­ra­my zäh­met üs­tün­lik­le­ri­ne bes­läp, eziz ýur­du­my­zy ösüş­le­riň tä­ze be­lent­lik­le­ri­ne ta­rap öňe git­me­gi­ni üp­jün edýän Gahry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň we mer­da­na hal­ky­my­zyň ed­ýän ta­gal­la­la­ry bel­läp ge­çer­lik­li­dir.

6 Oktýabr 2024

Garaşsyzlyk

Resmi habarlar

Türkmenistanyň Prezidentiniň «Saglyk» Döwlet maksatnamasyny durmuşa geçirmek boýunça ýerine ýetirilmeli çäreleriň çäklerinde sagdyn durmuş ýörelgelerini kemala getirmek, ilatyň saglygyny berkitmek we ortaça ýaşyny uzaltmak, yssy howa şertlerinde adam fiziologiýasyny öwrenmek maksady bilen, Türkmenistanyň Prezidenti Karara gol çekdi. Resminama laýyklykda, «Türkmenistanda fiziologiýa ylmyny ösdürmegiň 2024 — 2028-nji ýyllar üçin Milli maksatnamasy» hem-de şu Maksatnamany amala aşyrmak boýunça ýerine ýetirilmeli çäreleriň Meýilnamasy tassyklanyldy. Degişli ministrliklere we pudaklaýyn dolandyryş edaralaryna Milli maksatnamanyň amala aşyrylmagyny üpjün etmek tabşyryldy.

5 Oktýabr 2024

Garaşsyzlyk

Bize beýik işler garaşýar

Umumymilli forumdan soňky oýlanmalar Gahryman Arkadagymyzyň il-ýurt bähbitli, umumadamzat ähmiýetli başlangyçlaryny mynasyp dowam etdirýän Arkadagly Gahryman Serdarymyzyň baştutanlygynda bu gün ýurdumyzda geçmişiň tejribesinden — ata-babalaryň döwletlilik ýörelgelerinden ugur alýan hem-de olary täzeçil, döwrebap şertlere laýyklykda dowam etdirýän döwlet dolandyrylyşynyň milli demokratik nusgasy kemala gelýär we ol barha kämilleşdirilýär. Bu nusganyň esasy aýratynlygy döwlet bilen halkyň beýik maksatlaryň daşynda barha pugta jebisleşmegidir. Halk Maslahatynyň nobatdaky mejlisiniň işine «Watan» habarlar gepleşigi arkaly tomaşa edýärkäm, şeýle pikirler serime doldy. 3-nji oktýabrda geçirilen Türkmenistanyň Halk Maslahatynyň Prezidiumynyň mejlisinde Gahryman Arkadagymyzyň umumymilli forumda kabul edilen çözgütlerden gelip çykýan wezipeler baradaky çykyşy bu pikirlerimi has-da berkitdi.

5 Oktýabr 2024

Garaşsyzlyk

Intizar we ygtybar

Ýagşy günüň ýakymy, hoş günüň hoşallygy — synagly, göreşli ýollaryň işi. Göreşmeseň garaşly bolýaň. Onuň nämedigi bolsa taryhyň sapaklaryndan belli. Ol — ýapjalyk, boýun sunmaklyk. Türkmen ýekinde halamaýan şeýle zadyna garşy 800 ýyllap göreşipdir. Magtymguly atamyz aýtmyşlaýyn, «Çoh garaşdym, ajap eýýam gelmedi» diýip, göreşip garaşypdyr. Beýle garaşmak kaýyllyk bilen gözleri ýolda galan intizar garaşmak däl. Göreşip garaşanyň arzuwy nesibeli günleriň birinde wysal bolar eken. Wysal bolan şol arzuwlara çenli ýoldaky göreşlerde baş goýanlardyr Aşgabat ýertitremesiniň pidalary... garaz, žurnalistleriň aýdyşy ýaly, hiç kim, hiç zat unudylanok. Nädip unutjak diýsene! 1941 — 1945-nji ýyllaryň Beýik Watançylyk urşunyň bizden alyslarda bolsa-da, öýsaýyn çabraýşy, adam başyna gopdurýan kyýamaty aýdyp-diýerden çökderdi. Şeýde-şeýde, pil, kätmen işi aýal, oglan-uşaga, meýdanda mal yzyna düşmek garry-gurta galyberdi. Urşuň yzynda galanlar ýer sürdüler, ekdiler, ordular, özleri iýmän iýdirdiler. Kimedir öýdýäňiz? Çagalaryna diýýäňizmi? Tapdyňyz bir giň ýeriň, töre düzlüginiň gürrüňini. Jahanda uruş barýarka, çöregi çepbe çeýnemegiň seniň özüňe-hä däl, çagalaryňa-da ýedi ýatyp turanda-da düýşünde dişine degmejegi düşnükli. Ýogsam ak bugdaýy degirmende üwäp, gözüň ýagyny iýip barýan ürpük uny eläp, ýugrup, aldyryp, Günüň nury ýaly çöregi iýseň, mädäňe degmez, ýöne gözüňe deger. Arman,

5 Oktýabr 2024

Garaşsyzlyk

Ugurtapyjy esgeriň edermenligi

1920-nji ýylyň 1-nji ýanwarynda Aşgabat şäheriniň golaýyndaky gadymy Herrikgala obasynda Maşa pälwanyň maşgalasynda ogul perzent dünýä inýär. Kakasy oba mollasyny çagyryp, milli ýörelgä görä, gulaklaryna azan-kamat aýtdyryp, oňa Gurbanmuhammet diýip at dakýar. Giden bag-bakjaly melleginde hakyna tutma günlükçiler bolansoň, olar Gurbanmuhammede «kiçijik hojaýyn» diýip ýüzlenipdirler. Şeýdibem, onuň azan ady tutulman, Hojaýyn diýlip resmileşdirilipdir. Hojaýyn obalaryndaky mekdebiň sekiz synpyny tamamlap, gutarylmadyk orta bilimli bolýar. 1939-njy ýylyň dekabrynda bolsa harby gulluga çagyrylýar. Gullukda wagty 1941 — 1945-nji ýyllaryň aýylganç urşy başlanyp, Hojaýyn Maşaýew fronta gidýär. Ol Ýaragly Güýçleriň dürli goşun birliklerinde bolup, başdan-aýak gazaply söweşlere gatnaşypdyr. Ozalky Sowet Soýuzynyň hem-de Ýewropa ýurtlarynyň ençeme şäherdir obalaryny duşmandan azat edip, Beýik Ýeňiş bilen döşi orden-medally, sowgat berlen hanjarly ata Watanymyza gaýdyp gelýär. Şol hanjarly gürrüň barada edermen esgeriň ogly Nurmuhammet Maşaýew, ine, şeýle gürrüň berdi:

5 Oktýabr 2024

Garaşsyzlyk

Geologlaryň netijeli gözlegleri

«Türkmengeologiýa» döwlet korporasiýasynyň Mary gidrogeologiýa ekspedisiýasy Mary we Lebap welaýatlarynyň çäklerinde gözleg-barlag işlerini geçirmek arkaly ýerasty suw ýataklarynyň gorlaryny hasaplaýarlar. Şunda ýerasty we ýerüsti suwlaryň, topragyň geoekologik ýagdaýyny öwrenmek we ýüze çykarmak üçin gidrogeologik we ekologik, meliorasiýa maksatly inžener-geologik barlag we surat alma işleri amala aşyrylýar. Şeýle-de bu ýerlerde ýerasty suwlaryň düzümini, dolanyşygyny hem-de hilini öwrenmek babatda köpýyllyk gözegçilik çäreleri geçirilýär. Ýurdumyzyň ýerasty suw gorlaryny artdyrmak hem-de agzalan sebitleriň ilatynyň arassa agyz suwuna bolan islegini kanagatlandyrmak maksady bilen, häzirki wagtda Mary welaýatynyň Zähmet, Garabil, Tärimli, Şatlyk, Mekan, Gündogar Baýramaly, Günbatar Baýramaly, Täze oba, Sandykgaçy, Lebabyň bolsa Zähmetkeş, Narazym meýdançalarynda buraw hem-de surat alma işleri dowam etdirilýär. Ýerasty suwlaryň, mineral bejeriş suwlarynyň gözleg-barlag, gorlaryny hasaplama işleri-de utgaşykly alnyp barylýar. Mundan daşgary, buýurmalar esasynda Ahal we Balkan welaýatlarynyň çäginde tehniki hajatlar üçin ýerasty suwlaryň gözlegi, barlaglary, şeýle hem Bereket etrabynyň çäginde ýod zawodynyň buýurmasy boýunça ýod-brom suwlarynyň gözleg işleri geçirilýär. Netijede, ekspedisiýanyň işçi-hünärmenleri tarapyndan «Pähim-paýhas ummany Magtymguly Pyragy» ýyly

5 Oktýabr 2024

Garaşsyzlyk

Behişdi bedewler – baýramlaryň bezegi

Arkadagly Gahryman Serdarymyz: «Bagtyýar türkmen halkyna buýsanara, guwanara zat kän. Ata-babalarymyzyň döreden maddy gymmatlyklarynyň naýbaşylarynyň biri hasaplanýan türkmen bedewleri halkymyzyň buýsanjydyr. Ahalteke bedewleri behişde mynasyp görülýän, gyzdan gylykly, gözelligiň nusgasydyr. Gamyşgulak bedewlerimiz halkymyzyň gymmatly hazynasydyr. Türkmen bedewiniň şan-şöhraty bu gün dünýäni haýran galdyrýar» diýip nygtaýar. 28-nji sentýabrda hormatly Prezidentimiz Serdar Berdimuhamedowyň gatnaşmagynda Türkmenistanyň Garaşsyzlyk gününiň şanyna Halkara ahalteke atçylyk sport toplumynda geçirilen baýramçylyk dabaralary bu hakykaty ýene bir ýola äleme aýan etdi. Elbetde, baýramlarda we şanly senelerde at çapyşyklarynyň geçirilmegi geçmiş taryhymyza, ata-babalarymyzyň köpasyrlyk däp-dessurlaryna ygrarlylygyň nyşanydyr. At çapyşyklary diňe bir atlaryň naýbaşy wekilleriniň bäsleşigi bolman, eýsem, bedewleriň gaýtalanmajak gözelliginiň we kämilliginiň beýanydyr. Gadymy döwürlerde bolşy ýaly, häzirki wagtda-da at çapyşyklary toýlaryň bezegi bolmak bilen, atşynaslaryň ussatlygyny, başarjaňlygyny, atlaryň güýjüni, gözelligini, ýyndamlygyny görkezmäge-de mümkinçilik berýär. «Atdyr ýigidiň ganaty», «At – ýaryşda, är – söweşde», «At – ýigidiň ýoldaşy», «Irden tur-da, ataňy gör, ataňdan soň – atyňy» ýaly nakyllar halkymyzyň bedewlere goýýan hormat-sarpasynyň näderejede belentdiginden

4 Oktýabr 2024

Garaşsyzlyk

Geçmişden geljege uzaýan gymmatlyklar

Halkyň asyrlaryň dowamynda kemala getiren milli gymmatlyklaryny goramak, öwrenmek we geljekki nesillere geçirmek häzirki döwürde möhüm wezipe bolup durýar. Ähli döwürlerde beden we ruhy taýdan sagdyn nesli terbiýeläp ýetişdirmäge uly ähmiýet beren halkymyz bu ugurda oýunlaryň, bäsleşikleriň dürli görnüşlerinden peýdalanypdyr. Bu günki sport görnüşleriniň aglabasy gadymyýetden dowam edip gelýän oýunlardandyr tälim-türgenleşiklerden gözbaş alýar. Garaşsyz Watanymyzda milli sport oýunlaryny dikeltmek we ösdürmek maksady bilen, Türkmenistanyň Milli sport oýunlary merkezi döredildi. Ol 2020-nji ýylda Bütindünýä etnosport konfederasiýasynyň düzümine kabul edildi. Bu merkez halkymyzyň döreden aň-paýhas we hereketli oýunlarynyň dürli görnüşlerini ösdürmek boýunça işleri alyp barýar.

4 Oktýabr 2024

Garaşsyzlyk