Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hemde Arkadagly Gahryman Serdarymyzyň taýsyz tagallalary bilen ýurdumyzyň bilim ulgamy täze ösüşlere eýe bolýar. Muňa ýurdumyzyň baýry ýokary okuw mekdepleriniň biri bolan Türkmen döwlet ykdysadyýet we dolandyryş institutynda alnyp barylýan döwrebap işleriň mysalynda-da aýdyň göz ýetirmek mümkin. Bu talyplara ýokary bilim ojagynda bilim bermek işini döwrebap derejede guramak, oňa innowasion tehnologiýalary ornaşdyrmak, ýaşlara berilýän bilimiň hilini ýokarlandyrmak babatda milli aýratynlyklary göz öňünde tutmak bilen bir hatarda, dünýä tejribesinden ugur alnyp, giň möçberli işler durmuşa geçirilýär.
2023-nji ýylyň oktýabr aýynda geçirilen Türkmenistanyň Halk Maslahatynyň Prezidiumynyň mejlisinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz ýurdumyzda bilim bermegiň usulyýetini ösdürmek we oňa häzirki zamanyň ösen tejribesini, sanly tehnologiýalary ornaşdyrmak meselelerine aýratyn ähmiýet bermegiň zerurdygy barada nygtap geçdi. Şeýlede alym Arkadagymyz ýaş türkmenistanlylary ylymly-bilimli, hünärli edip ýetişdirmegiň, olaryň dünýä ylmyna çuňňur aralaşmagyna giň ýol açmagyň möhüm talap bolup durýandygyna ünsi çekip, bu ugurda halkara hyzmatdaşlygy mundan beýläkde işjeňleşdirmek boýunça birnäçe anyk tabşyryklary berdi.
