Kuraş boýunça dünýä çempionatyna gatnaşan Türkmenistanyň erkekler we zenanlar ýygyndylarynyň ähli agzalary medallara mynasyp bolup, ýokary netijeleri gazandylar. Milli ýygyndylarymyza wekilçilik eden 15 türgen çempionaty 15 medal bilen tamamlady. Olaryň 5-si altyn, 6-sy kümüş we 4-si bürün çmedallardyr.
Hökümetiň 30-njy noýabrynda geçirilen mejlisinde hormatly Prezidentimiziň örän jaýdar belleýşi ýaly, Arkadag Serdarly bagtyýar ýaşlar ýylynda ýaş nesliň wekilleri bilimde, ylymda, sportda, medeniýetde, senagatda, oba hojalygynda, ykdysadyýetimiziň beýleki pudaklarynda uly üstünliklere eýe boldular. Diňe bir ýurdumyzda däl, eýsem, halkara derejeli ýaryşlarda, olimpiadalarda-da döwletimiziň tuguny belentde parladyp, uly ýeňişleri gazandylar. Munuň şeýledigini 23―28-nji noýabr aralygynda geçirilen Kuraş boýunça dünýä çempionaty hem aňry ýany bilen tassyklady.
