Aziýa Çempionlar ligasynyň şu möwsümi geçen ýylkylardan has şowhunly geçýär. Elbetde, dünýä futbolynyň ýyldyzlary Kristiano Ronaldo, Neýmar, Benzema ýaly we başga-da birnäçe ýyldyzlary özünde jemlän ýaryş bu gezek janköýerleri özüne çekýän dünýä derejeli uly futbol dabarasyna öwrüldi. Indi bassyr ikinji gezek ýaryşyň toparçalaýyn oýnunda öz toparlarynyň çykyşyna şaýatlyk edýän türkmen janköýerleri üçin hem Çempionlar ligasynyň orny aýratyn. Ýaryşyň şowhunynyň artmagy netijesinde yklym futbolyna meňzeş penjireden seredýän Orta Aziýa sebitiniň futbolyna we janköýerlerine, bu elbetde, başgaça duýgulary bagyş etdi. Halkara ýaryşda «Altyn Asyryň» ezeli garşydaşy bolan Täjigistanyň «Istiklol» toparynyň Ronaldonyň toparyna garşy mynasyp çykyş etmegi, Elman Tagaýewiň ozalky toparywe häzirki wagtda türkmen tälimçisiniň tälimçilik edýän Özbegistanyň «Nowbahar» toparynyň Neýmarly «Al Hilal» bilen deň oýnamagy, şeýle-de paýtagtymyzyň «Ahal» toparynyň dünýä ýyldyzlaryna eýe bolan Saud Arabystanynyň çempionatynyň wekilini ýeňlişe sezewar etmegi orta aziýaly janköýerlere bir-birine biperwaý bolmadyk ruhy galkynyş getirdi. Sebit futbolynyň yklym derejesindäki orny taryhda hem biri-birine bagly diýip aýdyp bolar. Meselem, Orta Aziýa toparlarynyň Çempionlar ligasyndaky iň ýokary netijesi «Pahtakora» degişli bolsa, hut şol netijäniň gazanylmagynda daşkentlileriň şol wagtky baş tälimçisi, türkmenistanly hünärmen Täçmyrat Agamyradowyň hem tagallasy uludyr. «Arkadagly Ýaşlar» elektron žurnalyAziýa Çempionlar ligasynda şu möwsüme çenli Merkezi Aziýanyň toparlary bilen çykyş eden tälimçileriň netije gazanmak babatdaky sanawyny işläp düzdi. Luiz Felipe Skolare we Şota Arweladze ýaly meşhur atlary özünde jemlän bu sanawda türkmen tälimçisi Täçmyrat Agamyradow 1-nji orny eýeleýär:
1) Täçmyrat Agamyradow (Türkmenistan): her oýna 2 utuk. 14 oýun, 6ýeňiş,3deňlik,5ýeňliş, jemi–21 utuk;
