Hormatly Prezidentimiziň belleýşi ýaly, Bilimler we talyp ýaşlar güni Garaşsyz, hemişelik Bitarap Watanymyzyň jemgyýetçilik durmuşynda uly orun tutýan ajaýyp baýramdyr. Bu baýramçylyk ýokary ruhubelentlik döredip, ösüşleriň aýdyň ýolundan öňe barýan eziz Watanymyza söýgimizi has-da pugtalandyrýar.
Täze okuw ýylymyz hem, adatça bolşy ýaly, täzeliklere baý ýyllaryň biri. Bilimler we talyp ýaşlar güni mynasybetli, ýurdumyzda döwrebap bilim ojaklarynyň açylyp ulanmaga berilmegi, okuw maksatnamalaryna täze hünärleriň girizilmegi ykdysadyýetiň ähli pudaklary üçin zerur bolan hünärmenleri taýýarlamakda, milli bilim ulgamyny hasda kämilleşdirmekde möhüm işlerdir. 2023 – 2024-nji okuw ýylynda ýurdumyzyň ýokary okuw mekdepleriniň 10-syna täze hünärleriň 35-si girizildi. Şolaryň 21-sinde bakalawr, 8-sinde hünärmen, 6-synda magistr maksatnamalary boýunça bilim berler.
