2023-nji ýylda döredilen «Arkadag» topary geçiren oýunlarynda bir gezegem utulmady. Bu netije sebitimizde arakesmä çenli rekord görkeziji hasaplanýar. «Arkadag» topary 12 duşuşyk geçirip, şolaryň ählisinde ýeňiş gazandy, oýunlaryň 8-si milli çempionatyň oýunlary bolsa, ýene 4 oýun Türkmenistanyň kubogyny almak ugrundaky ýaryşda hasaba alyndy.«Arkadag» topary gol geçirmek babatda sebitiň milli çempionatlarynda iň gowy netije gazanan topar bolup durýar.
Häzirki wagtda tutuş sebitimiziň, şol sanda Türkmenistanyň futbol çempionatynyň ýokary ligasynda hem tomusky arakesme dowam edýär. Arakesmä çenli aralykda dowam eden möwsümiň jemine görä, goňşy ýurtlaryň çempionatlarynda baýrakly orna dalaş etjek toparlary çaklamak kyn däl. Meselem, Özbegistanda «Nowbahor» we «Pahtakor», Gazagystanda «Ordabasy» we «Astana», Gyrgyzystanda «Abdyş-Ata» we «Alaý»,Täjigistanda «Istiklol» we «Kuktoş», şeýlede Türkmenistanda «Arkadag» we «Altyn asyr» çempionlyk üçin dalaş edýän esasy toparlar hasaplanýar. Sebitimiziň futbol toparlarynyň milli çempionatda görkezýän netijelerini içgin öwrensek, türkmen janköýerleri üçin ýakymly sanlara duşarys. Türkmenistanyň futbol boýunça ýokary ligasynda öňdeligi eýeleýän «Arkadag» topary üstünlikli çykyş etmek babatynda diňe bir ýurdumyzda däl, eýsem sebit derejesinde-de ýokary görkezijilere eýelik edýär. Geliň, anyk mysallara ýüzleneliň! 2023-nji ýylda döredilen «Arkadag» topary geçiren oýunlarynda bir gezegem utulmady.Bu netije sebitimizde arakesmä çenli rekord görkeziji hasaplanýar. «Arkadag» topary 12 duşuşyk geçirip, şolaryň ählisinde ýeňiş gazandy, oýunlaryň 8-si milli çempionatyň oýunlary bolsa, ýene 4 oýun Türkmenistanyň kubogyny almak ugrundaky ýaryşda hasaba alyndy. «Arkadag» gol geçirmek babatda sebitiň milli çempionatlarynda iň gowy netije gazanan topar bolup durýar. Bu babatda Arkadag şäherine wekilçilik edýän topar sebitde iň ýokary görkezijiniň eýesidir. Olar ýokary ligada jemi 8 oýun geçirip, garşydaşlarynyň derwezesine 31 gol girizdiler. Bu ýagdaý her oýnuň ortaça görkezijisiniň 3,87 gola deňdigini aňladýar. Biziň sanawymyzdaky 2-nji orun Täjigistanyň «Istiklol» toparyna degişli. Duşenbeliler milli çempionatyň 13 nji tapgyryndan soň garşydaşlarynyň derwezesini 32 gezek zabt edipdirler. Bu netije bolsa her oýna ortaça 2,46 gol düşýär diýmegi aňladýar. Aşakda şu netije boýunça sebitiň beýleki döwletleriniň görkezijileri bilen tanyşdyrýarys.
