Berkarar döwletiň täze eýýamynyň Galkynyşy döwründe Türkmenistan ýokary netijeli sportuň we köpçülikleýin bedenterbiýäniň batly depginde ösýän, halkara sport ýaryşlarynyň yzygiderli geçirilýän ýurdy hökmünde dünýäde tanalýar. Hormatly Prezidentimiziň baştutanlygynda Olimpiýa hereketini, ýokary derejeli sporty ösdürmek, degişli ugurlarda halkara hyzmatdaşlygyny pugtalandyrmak babatda uly işler amala aşyrylýar.
Häzirki zaman sporty jemgyýet üçin möhüm ähmiýetli gymmatlyk bolup, ynsan başarnyklaryny kämilleşdirmek ýaly umumadamzat bähbitlerine, ynsanperwerlik ýörelgelerine gulluk edýär. Sport ýaryşlaryny beýan etmek we häzirki zaman sportundaky oňyn çözgütlerini tapmagyň ýollaryny gözlemek köpçülikleýin habar beriş serişdeleriniň wezipeleriniň hataryna girýär.