Angliýanyň çempionatynda sanawyň lideri «Çelsi» myhmançylykda «Nýukasly» 3–0 ýeňdi. Oýunda sag gyraky goragçy Ris Jeýms 2 gezek tapawutlandy. Yzly-yzyna myhmançylykda 5 golly ýeňişler gazanan «Liwerpul» öz meýdançasynda «Braýton» bilen 2–2 deňme-deň oýnady. 2–0 öňe saýlanan Kloppuň şägirtleri myhmanlaryň hasaby deňlemegine çäre tapyp bilmediler (2–2). Tapgyryň merkezi duşuşygynda «Mançester Ýunaýted» myhmançylykda «Tottenhamy» 3–0 hasabynda ýeňlişe sezewar etdi. «Ýunaýtediň» gollaryny Ronaldo, Kawani hem-de Reşford geçirdi. Bu ýeňlişden soň, «Tottenham» tälimçisi Nuno Espirito Santony işinden boşadyp, ornuna 1,5 ýyllyk şertnama bilen italiýaly Antonio Konteni wezipä belledi. Tapgyryň iň garaşylmadyk netijesi «Mançester Siti»–«Kristal Palas» duşuşygynda hasaba alnyp, ýer eýeleri 2–0 utuldy.
«ÝUWENTUS» ÝENE-DE ÝEŇILDI
