UEFA Çempionlar Ligasynda toparçadaky 4-nji duşuşyklarda 55 gol geçirildi. 4 klub 4-nji oýunlardan 1/8 finala çykmagy başardy. Olar «Liwerpul», «Aýaks», «Bawariýa» hem-de «Ýuwentus» toparlarydyr. 8 duşuşykda ýer eýeleri, 5 oýunda-da myhmanlar ýeňiş gazandy. 3 duşuşykda-da ýeňiş gazanan bolmady.
«A» toparçada «Mançester Siti» öz meýdançasynda «Klub Brýuggeni» ýyldyzlary – Foden, Mahrez, Sterling hem-de Gabriel Žesusyň gollary bilen 4-1 ýeňdi. «Leipsig»–PSŽ duşuşygynda birinji ýarymda Weýnaldumyň gollary bilen 2–1 öňe saýlanan parižliler 90+2-nji minutda hasaby deňletdiler. «Leipsige» şu möwsümdäki ilkinji utugyny gazandyran goly penaltiden Soboslai geçirdi.