Paýtagtymyzyň «Aşgabat» stadionynda bäşinji tapgyryň wagty süýşürilen duşuşygy bilen ýurdumyzyň nobatdaky futbol çempionatyna badalga berildi.
Bu duşuşykda paýtagtymyzyň «Aşgabat» hem-de «Altyn Asyr» toparlary duşuşdylar. Ikitaraplaýyn hüjümler bilen ýatda galan duşuşyk geçen ýylyň çempiony «Altyn Asyryň» 3:1 hasabyndaky ýeňşi bilen tamamlandy. «Altyn Asyra» ýeňiş getiren toplary Güýçmyrat Annagulyýew, Mekan Saparow hem-de Altymyrat Annadurdyýew öz atlaryna ýazdyrdylar.
