Futbol boýunça Türkmenistanyň milli ýygyndysynyň we Balkanabadyň «Nebitçi» toparynyň derwezeçisi Batyr Babaýewi milli çempionatymyz bilen gyzyklanýan janköýerleriň köpüsi gaýybana hem bolsa tanaýandyrlar. Onuň bilen geçiren söhbetdeşligimiz futbolsöýer okyjylarymyzyň bu zehinli derwezeçi bilen has ýakyndan tanyşmagyna ýardam eder diýen umydymyz bar.
– Batyr, her bir zada bolşy ýaly, futbola bolan söýgüdir höwesem öz-özünden döremeýär. Seniň futboly saýlap almagyňa näme sebäp boldy?
