Tennis boýunça möwsümiň 4-nji «Uly tuwulga» ýaryşy «Amerika Açykda» erkekleriň arasyndaky finalda sanawyň 1-2-nji belgili tennisçileri – serbiýaly Nowak Jokowiç bilen russiýaly Daniil Medwedew duşuşdylar. Medwedew güýçli garşydaşyny 2 sagat 17 minutda 6:4 hasaplar bilen 3:0 ýeňlişe sezewar etdi. Şeýlelikde, 25 ýaşyndaky Medwedew karýerasyndaky ilkinji «Uly tuwulga» kubogyny asmana göterdi. Bu onuň ATP-niň ýaryşlaryndaky 13-nji çempionlygydyr. Ol «Uly tuwulgalarda» çempionlyk gazanan russiýaly 3-nji erkek, umumylykda 6-njy tennisçidir (Ýewgeniý Kafelnikow, Marat Safin, Anastasiýa Myskina, Mariýa Şarapowa, Swetlana Kuznesowa). Soňky gezek 2005-nji ýylda Russiýadan erkeklerden Marat Safin «Uly tuwulga» kubogyny gazanypdy. Galyberse-de, Medwedew «Uly tuwulganyň» finalynda Nowak Jokowiçi ýeňen 5-nji tennisçi boldy.
«Amerika Açyk» –