Bu ýylyň tomusky transfer möwsümi diýseň gyzgalaňly geçip, uly transfer wakalaryna baý boldy. Dünýäniň häzirki wagtdaky iň uly iki ýyldyzy klublaryny çalyşdy. Messi 21 ýyllyk «Barselona» karýerasyny tamamlap, PSŽ bilen şertnama baglaşdy. Messiden soň portugaliýaly Kristiano Ronaldo hem «Ýuwentusdaky» ýoldaşlary bilen hoşlaşyp, özüne ilkinji şöhrat gazandyran klubuna, ýagny «Mançester Ýunaýtede» dolandy. «Ýuwentusda» 3 ýylda 5 kubok gazanan Ronaldo «Mançester Ýunaýted» bilen 2+1 ýyllyk şertnama baglaşdy. Mankunianlar onuň transferi üçin «Ýuwentusa» 5 ýylyň dowamynda 15 million ýewro, şol sanda Ronaldonyň görkezjek başarnygyna görä, ýene-de 8 million ýewro tölär. 12 ýyldan soň «Mançester Ýunaýtede» dolanan Ronaldo ýyllyk 30 million ýewro golaý hak alar.
Tomusky transfer möwsüminiň soňky günlerinde klubuny çalşan diňe Ronaldo bolman, esasan hem soňky gününde, 31-nji awgustda onlarça futbolçy täze ýa-da ozalky toparlary bilen şertnama baglaşdy.