Bäherden etrabynyň Medeniýet öýünde etrabyň jemgyýetçilik guramalarynyň, etrap polisiýa bölüminiň hem-de etrabyň prokuraturasynyň bilelikde guramagynda, «Arkadagyň ak ýolundan öňe barýar bagtly ýaşlar» ady bilen wagyz-nesihat duşuşygy geçirildi. Oňa mekdep mugallymlarydyr okuwçy ýaşlar, dürli pudaklarda zähmet çekýän ýaş hünärmenler hem-de ýaşuly nesliň wekilleri gatnaşdy.
Berkarar döwletimiziň bagtyýarlyk döwründe barha rowaçlanýan sagdyn durmuş ýörelgelerini wagyz-nesihat etmek, hormatly Prezidentimiziň ýurdumyzda sagdyn jemgyýeti kemala getirmek ugrundaky tagallalaryny ýaşlara düşündirmek maksady bilen geçirilen duşuşykda dili senaly ýaşululardyr jemgyýetçilik guramalarynyň wekilleriniň çykyşlary has-da täsirli boldy. Olar çykyşlarynda ýaramaz endikleriň adam saglygyna, nesil terbiýesine ýetirýän täsiri, maşgala mukaddesligi, ýaşlaryň edep-terbiýesi dogrusynda gürrüň etdiler hem-de şonuň bilen baglanyşykly gymmatly öwütlerini aýtdylar.
