Düýn — 28-nji martda ýurdumyzda möhüm jemgyýetçilik-syýasy çäre geçirildi. Türkmenistanda Milli Geňeşiň Halk Maslahatynyň agzalarynyň saýlawlary boldy.
Esasy Kanunymyzda bellenilişi ýaly, Türkmenistan demokratik, hukuk we dünýewi döwletdir. Berkarar döwletimiziň bagtyýarlyk döwründe — ýurdumyzyň ösüşiniň täze tapgyrynda oňyn özgertmeler üstünlikli amala aşyrylýar, döwlet we jemgyýetçilik durmuşynda demokratiýa ösdürilýär. Hormatly Prezidentimiziň parasatly baştutanlygynda durmuşa geçirilýän beýik işler halkymyzyň bähbitlerini nazarlaýar.