Berkarar döwletimiziň bagtyýarlyk döwrüne ýene-de toý bolup bahar-ýaz geldi. Göwünleri ganatlandyrýan, ene topraga bereket nuruny eçilýän, ýagyş-ýagmyrly bahar biziň ilimize ençeme milli baýramlarymyzy alyp gelýär. Desse-desse güllere, kalbymyzy joşdurýan duýgulara beslenip gelýän pasly, baharyň ilkinji aýyny halkymyz uludan bellenilip geçilýän Halkara zenanlar güni bilen garşy alýar. Şahyryň:
Durna jümjümeli, älemgoşarly,
Ülkäme toý bolup gelen ýazlarym.
Edepli-ekramly, gunduz goşarly,
Bäs edişdiň gyzlar bilen, ýazlarym!
