Arkadaga buýsançly göwünler

Jemgyýet
3 Mart 2021
712

Welaýatymyzda Halkara zenanlar gününe bagyşlanyp geçirilýän dabaralar biri-birine ulaşyp, ýatdan çykmajak pursatlara beslenýär. Mekdebe çenli çagalar edaralarynda, umumybilim berýän orta mekdeplerde hem-de beýleki okuw mekdeplerinde, edara-kärhanalarda, jemgyýetçilik guramalarynda, umuman, ähli ulgamlarda baýramçylyk mynasybetli guralýan dabaralarda Berkarar döwletimiziň bagtyýarlyk döwründe mährem enelere, gelin-gyzlara goýulýan belent hormat-sarpa baradaky buýsançly söhbetlere giň orun berilýär. Dabaralaryň dowamynda hormatly Prezidentimiziň «Halkara zenanlar güni mynasybetli ýurdumyzyň aýal-gyzlaryna pul sowgatlaryny bermek hakynda» Buýrugyna laýyklykda, pul sowgatlaryny guwanç hem buýsanç duýgulary bilen ýüzlerine sylýan, çagalar baglarynda terbiýelenýän bagtyýar gyzjagazlar, okuwçy hem talyp gyz-gelinler, halk hojalygynyň dürli pudaklarynda, bilim, medeniýet, saglygy goraýyş ulgamlarynda zähmet çekýän, pensiýa we döwlet kömek puluny alýan gelin-gyzlar, mährem eneler özleri hakda edýän atalyk aladalary üçin Gahryman Arkadagymyza tüýs ýürekden alkyşlaryny aýdýarlar.

Muhammet GYLYJOW.
Surata düşüren Andreý Pakulow, «Balkan».
Beýleki habarlar