Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda ýurdumyzyň oba hojalygynda giň möçberli özgertmeler amala aşyrylýar. Oba hojalygynda öňdebaryjy tejribäniň, innowasion tehnologiýalaryň we ylmyň gazananlary önümçilige giňden ornaşdyrylýar.
Ýurdumyzda öndürilýän ýokary hilli önümlere daşary ýurtly sarp edijiler tarapyndan uly isleg bildirilmegi, şonuň ýaly hem ýurdumyzda öndürilýän oba hojalyk önümleriniň möçberiniň barha artmagy obasenagat pudagynyň ýokary hilli önümleriniň eksport ugurlaryny giňeltmäge mümkinçilik berýär.
