Hormatly ildeşler, ýurdumyzyň raýatlarynyň her biri tebigatda özüňi dogry alyp barmagyň kadalaryny anyk bilmelidirler we olary birin-birin ýerine ýetirmegi endik edinmelidir. Bu kadalar ýönekeý. Şu wajyp wezipelerden ugur alyp, Türkmenistanyň Içeri işler ministrliginiň Döwlet ýangyn howpsuzlygy gullugy öz maslahatlary bilen mähriban watandaşlarymyza ýüzlenip, şulary ýatladýar:
— Tebigatyň gözel ýerlerinde, tokaý seýilgählerinde, öri, sähra meýdanlarynda açyk ot ýakmak, çilim çekmek, söndürilmedik otluçöpi taşlamak, uçgun berijileri ulanmak, çüýşe gaplaryny, aýna böleklerini we zir-zibilleri taşlap gitmek, çagalary gözegçiliksiz galdyryp, ot oýnamaklaryna ýol bermek, awtoulaglary ot-çöpli meýdanlara salmak, ol ýerlerde awtoulaglara tehniki hyzmatlary geçirmek gadagan edilýär.
