Gök–bakja, miwe önümleriniň bol hasylynyň ýetişdirilmegi ilatymyzy olar bilen ygtybarly üpjün etmäge uly mümkinçilik berýär. Bu babatda Köneürgenç etrabynyň «Akgala» daýhan birleşiginiň bagbanlarynyň bitirýän işleri aýratyn bellenmäge mynasypdyr. Birleşigiň tejribeli bagbanlary 138 gektar ýerde dürli görnüşli miweli, saýaly baglary idedýärler. Bagbanlar şu günler çekýän ýadawsyz zähmetleriniň netijesinde, ýetişdirilen miwe hasylyny ýygnap ilatymyza elýeterli bahalardan hödürleýärler. Göreldeli bagbanlardan Rahym Abdullaýew, Bazarbaý Kamalow, Japbarbergen Sabyrow, Tursunbaý Nuraddinow dagyny görkezmek bolar. Olar özleriniň yhlasly zähmeti bilen daýhan birleşiginiň beýleki bagbanlaryna görelde bolýarlar.
Bol miwe hasylynyň ýetişdirilmegi hormatly Prezidentimiziň daşary döwletlerden getirilýän harytlaryň ýerini tutýan, ekologiýa taýdan arassa, ter gök-bakja, miwe önümleri bilen ilatymyzy ýylyň ähli döwründe ygtybarly üpjün etmek boýunça öňde goýan wezipeleriniň iş ýüzünde berjaý edilýändigini görkezýär.
