“Pähim-paýhas ummany Magtymguly Pyragy” ýylynyň 24-nji sentýabrynda paýtagtymyzdaky Maslahat köşgünde Türkmenistanyň Halk Maslahatynyň mejlisi geçiriler. Türkmenistanyň Halk Maslahatynyň Prezidiumynyň nobatdaky Karary ýurdumyzyň jemgyýetçilik-syýasy durmuşynda möhüm ähmiýetli waka öwrüljek bu çärä taýýarlyk işlerine özboluşly badalga boldy.
Türkmenistanyň Halk Maslahatynyň Prezidiumynyň “Türkmenistanyň Halk Maslahatynyň mejlisini çagyrmak we guramaçylykly geçirmek hakyndaky” Kararyndan gelip çykýan wezipeleri, Halk Maslahatynyň alyp barýan işleriniň taryhy, syýasy-jemgyýetçilik ähmiýetini ilata düşündirmek şu günler jemgyýetçilik guramalary tarapyndan ildeşlerimiziň arasynda geçirilýän wagyz-nesihat çäreleriniň esasy maksatlarynyň biridir.
