Ýabany tebigatda janly-jandarlaryň 9 million töweregi görnüşi ýaşaýar. Şolaryň arasynda maýmynlar daşky keşbi we hereketleri bilen adamlaryň ünsüni has-da özüne çekýär. Ýer ýüzünde maýmynlaryň 160-dan gowrak görnüşi duş gelýär. Agaçda ýaşaýan bu jandarlar adamsypat maýmynlar we primatlar diýen iki uly topara bölünýär.
Maýmynlaryň «atelidae» maşgalasyna degişli alouatta maýmynlary güýçli sesi bilen beýlekilerden tapawutlanýar. Gykylykçy maýmynlar iýmitlenmek, birek-birek bilen habarlaşmak üçin çirkin ses çykarýarlar.