«Türkmenistan Sport», № 1 (21), 2024
Sport adam bedeniniň saglygyny üpjün edýär. Sungat bolsa ruhy sagdynlygyny kemala getirýär. Bilim almak, okamak, dil öwrenmek, täze innowasion tehnologiýalar bilen tanyşmak bolsa adamyň dünýägaraýşyny giňeldýär, ýetginjekleri ruhy taýdan we zehin taýdan özgerdýär. Ýurdumyzdaky beýleki ýokary okuw jaýlary bilen bir hatarda Türkmenistanyň Oguz han adyndaky Inžener-tehnologiýalar uniwersitetinde hem talyplaryň okamagy, öwrenmegi, döretmegi üçin hemmetaraplaýyn mümkinçilikler döredilýär. Häzirki wagtda dünýä ýüzünde we şol sanda ýurdumyzda dünýä dillerini öwrenmeklige we öwretmeklige uly üns berilýär.