«Türkmenistan Sport», № 1 (21), 2024
Halkymyzyň bedewe bolan idegi, oňa garaýşy has aňyrdan gelýär. Olar bedewine aýratyn göz bilen seredip, onuň ýetişdirilişine örän seresaply çemeleşipdirler. Ahalteke bedewi öňki döwürlerde her bir türkmen öýünde bolupdyr. Haýsy öýe barsaň teläriň astynda süňňüne ýag çalnan ýaly ýalpyldap duran türkmen atyna gözüň düşüpdir. Olara maşgalanyň bir agzasy hökmünde garapdyrlar. Ata-babalarymyz bedewleri hiç wagt ýadatmandyrlar, olara gamçy çalmandyrlar. Gamçyny olar diňe bezeg hökmünde ulanypdyrlar. Sebäbi ahalteke bedewleri özleriniň düşbüligi, syzgyrlygy, akyllylygy bilen eýesine gamçy çalmak zerurlygyny hem döretmändirler. Bulary halkymyzyň şu aýratynlyklaryna, bedewlerine bolan garaýyşlaryna haýran galan syýahatçylar belläp geçýärler. Ynha, şonuň üçin hem, öz milli baýlygynyň gymmatyna aňryýany bilen düşünýän halkymyz bu gün bedewiniň şan-şöhratyny dünýä içre belent derejelere göterýär.
