“Pähim-paýhas ummany Magtymguly Pyragy” ýyly mynasybetli Tejen etrap bilim bölüminiň hem-de Ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda etrabyň 30-njy orta mekdebiniň sport meýdançasynda kiçi futbol boýunça ýaryş geçirildi. Oňa etrabyň orta mekdepleriniň mugallymlaryndan düzülen toparlar gatnaşdylar.
42-nji orta mekdebiň mugallymlary netijeli oýun görkezip, ýeňiş gazanmagy başardylar. Ýaryşda ýeňiji bolan we oňa gatnaşan toparlara Ylym we bilim işgärleriniň kärdeşler arkalaşygynyň etrap Geňeşi tarapyndan ýadygärlik sowgatlary gowşuryldy.
