Dünýä Ralli çempionatynda möwsümiň 2-nji ýaryşy Şwesiýada geçirildi. 18 tapgyrdan ybarat 300,1 kilometrlik ýaryşda «Hyundai Shell Mobis» toparynyň fin sürüjisi Esapekka Lappi ýeňiş gazandy. Ol goňşy ýurtdaky ýaryşy 2 sagat 33 minut 04,9 sekuntda tamamlap, karýerasyndaky 2-nji ýeňşini baýram etdi. Garly ýollarda geçirilen ýaryşda «Toyota Gazoo» toparynyň britaniýaly sürüjisi Elfin Ewans 2-nji ýeri eýeledi. Ol ýeňijiden 29,6 sekunt yza galdy.
«M-Sport Ford» toparynyň fransuz sürüjisi Adrien Furmo 3-nji orna mynasyp boldy. Möwsümiň 1-nji ýaryşynyň ýeňijisi belgiýaly Tierri Noýwill («Hyundai Shell Mobis») pellehanadan 4-nji bolup geçmegi başardy.